Турк кино оламидаги актёрлар билан боғлиқ янгиликлар ҳамиша мухлисларга қизиқ бўлиб келган. Томошабинлар турк сериалларини кўриш билан бирга улардаги актёрларнинг фаолияти ва шахсий ҳаёти билан боғлиқ маълумотларни кузатиб боради. Қуйида 2023 йилнинг энг юқори гонорар олган актёрлари ва уларнинг қайси сериалда суратга тушиши ҳақида маълумот берилади.
Киванч Татлитуғ — битта серия учун 37 минг доллар
Киванч Татлитуғ узоқ вақт давомида машҳурлигини сақлаб қолган истеъдодли турк актёрларидан бири ҳисобланади. У 2022 йилда фақат интернет-сериалларда иштирок этган бўлса, 2023 йилда телесериалдаги бош рол билан томошабинларни хурсанд қилади. Узоқ вақтдан бери Киванчнинг “Агар қирол ютқазса” сериали билан экранларга қайтиши ҳақида миш-мишлар юрган эди, бироқ охирида актёр лойиҳанинг вақти ноаниқлиги сабабли унда суратга тушишдан бош тортди. Ҳозирда эса у “Оила” мелодрамасида бош ролни ўйнаши, Серенай Сарикая эса унинг партнёри бўлиши ҳақида маълумотлар мавжуд.
Энгин Акюрек — битта серия учун 18 минг доллар
Кейинги ўринни “Элчининг қизи” ва “Қочиш” сериаллари юлдузи Энгин Акюрек эгаллаган. Бу актёрнинг энг кўп гонорар олувчи актёрлар рўйхатига биринчи йил киритилиши эмас.
2022 йилда Энгин “Қочиш” номли интернет-сериалида рол ўйнади. Рақамли формат актёрга тўлиқ мос келганга ўхшайди, чунки у ҳозирда бошқа интернет сериалига — “Менинг исмим Фараҳ”да суратга тушишга рози бўлган. Томошабинлар Энгин Акюрек иштирокидаги янги лойиҳани 2023 йилда кўришади.
Демет Ўздемир — битта серия учун 18 минг доллар
Демет Ўздемир 2023 йилда энг юқори гонорар олган актёрлар рўйхатида учинчи ўринни эгаллаган. Бу актрисанинг битта серияда иштирок этиши кино продюсерларга 18 минг долларга тушади. У 2022 йилда “Дунё ва менинг ўртамда” сериалида рол ўйнади, бу лойиҳа унга бутун дунё бўйлаб мухлислар орттиришига ёрдам берди.
Демет 2023 йилда “Менинг исмим Фараҳ” сериалида суратга тушади. Шунингдек, унинг “Дунё ва менинг ўртамда” лойиҳасининг иккинчи мавсумида иштирок этиши тасдиқланди.
Серенай Сарикая — битта серия учун 18 минг доллар
Серенай 2022 йилда кўпроқ интернет лойиҳаларида суратга тушишни маъқул кўрган актрисалардан бири. Тез орада унинг иштирокидаги “Шоҳморон” сериали экранларга чиқади.
2023 йилни эса актриса “Оила” сериалида суратга тушиш билан бошлайди. Таъкидлаш жоизки, бош ролларда юқори гонорар олувчи актёрлар иштирок этади, шу сабабли телелойиҳа янги йилда энг юқори бюджетли лойиҳалардан бирига айланади.
Ҳанде Эрчел — битта серия учун 11 минг доллар
“Эшигимни қоқ” сериали юлдузи Ҳанде Эрчел 2023 йилда экранларга қайтади, 2022 йилда эса актриса асосий даромадини кўплаб реклама компаниялари билан ҳамкорликда ишлаш орқали топди.
Ҳозирча у иштирокидаги янги лойиҳа сир сақланмоқда, бироқ миллионлаб томошабинлар гўзал турк актрисасининг экранларга қайтишини кутмоқда.
Эбру Шаҳин — битта серия учун 11 минг доллар
“Беқарор” ва “Афсона” сериаллари юлдузи Эбру Шаҳин ўзининг ишлаш қобилияти билан ҳайратга солади ва бу унга ажойиб натижаларни беради. Эбру 2023 йилда бирданига иккита лойиҳада суратга тушди. Улардан бири “Жентлмен” фильми бўлса, иккинчиси “Ҳаёт элексири” телесериалидир.
Бирже Акалай — битта серия учун 9 минг доллар
Бирже Акалай охирги интервьюларининг бирида интернет-сериалида суратга тушиш унга кераклича эркинлик беришини айтди, шунинг учун у айнан шундай лойиҳаларни танлашга ҳаракат қилади. У 2022 йилда “Қуш парвози” ва “Қабристон” сериалларида суратга тушган ва ҳозирда “Қуш парвози”нинг иккинчи фаслини суратга олиш жараёнларида иштирок этмоқда.
Неслиҳан Атагул — битта серия учун 9 минг доллар
“Тун охирида” сериали юлдузи Неслиҳан Атагул ҳам ушбу рўйхатдан жой олган. Ҳозирча Неслиҳан телесериалларни танлаган кам сонли юқори гонорар оладиган актрисалардан бири бўлиб қолмоқда. Ҳозирча Неслиҳан интернет платформалари билан ҳамкорлик қилиш ҳақида хабар бермаган. Дастлабки маълумотларга кўра, “Тун охирида” сериалининг суратга олиш ишлари 2023 йилнинг ёзига қадар давом этади.
Иброҳим Челиккўл — битта серия учун 9 минг доллар
2023 йилда Иброҳим Челиккўл “Оила” сериалида бош ролни ижро этиши мумкин эди, бироқ у “Қуш парвози” драмасининг иккинчи мавсумини суратга тушишни танлади. Интернет-сериаллар жадвали актёрга ўғли билан кўпроқ вақт ўтказиш имконини беради.
Изоҳ (0)