Йилдан йилга турк сериаллари дунё бўйлаб миллионлаб инсонларни жалб қилмоқда, шу жумладан, ўзбек томошабинлари орасида турк кино саноатига қизиқиш ортиб бормоқда. Турк сериаллари ўзининг ноодатий сюжети ва қаҳрамонлар ижроси билан эътиборни тортади, аммо шу билан бирга унда иштирок этувчи гўзал актрисалар лойиҳаларнинг асосий безаги бўлиб қолади. Қуйида турк сериаллари юзига айланган ёш ва иқтидорли актрисалар ҳақида маълумот тўпладик.
Бергузар Корел
Истанбулда туғилиб ўсган Бергузар Корел ўзбек томошабинларига биринчи навбатда “Муҳташам юз йил” тарихий сериалидаги кичик роли билан таниш. У султон Сулаймон саройига фахрий меҳмон сифатида ташриф буюрган италиялик аристократ Моника Гритти образини гавдалантирган.
Актрисанинг кино саноатидаги фаолияти иккинчи даражали қаҳрамон образи билан чегараланиб қолмайди. Мафтункор Бергузарнинг сўнгги ажойиб ролларидан бири бу “Дилемма” номли кўп қисмли сериал бўлиб, актриса унда жасур телебошловчи ролини ўйнаган.
Буржу Ўзберк
Латофатли Буржу Ўзберкнинг карьераси “Муҳташам юз йил” сериалидаги кичик ролдаги ютуғидан бошланган. У “Кўр-кўрона севги” ва “Севги. Онг. Қасос” мелодрамаларидаги роллари билан янада машҳурликка эришди.
Реал ҳаётда Буржу яна бир юлдуз — Ҳанде Эрчел билан яқин дўстдир. Улар биргаликда “Гунеш қизлари” да суратга тушган.
Сила Туркўғлу
“Клюква шарбати” фильмида бош ролни ижро этган турк актрисаси Сила Туркўғлу ҳозирда энг талабгир турк актрисаларидан биридир. Сила Туркўғлу “Омонат”, “Йиғламанг, она” сериалларида ҳам иштирок этган.
Жемре Байсел
Жемре Байсел ҳам турк сериалларининг энг машҳур актрисаларидан биридир. Яшил кўзли гўзал қиз “Тақдир ўйини” сериалидаги ролидан кейин дунё миқёсида машҳурликка эришди.
Актрисанинг “Менинг чап ярмим”, “Мени яшир” лойиҳаларидаги иштироки унинг юлдузлик мақомини янада кучайтирди. Жемре кўпинча ижобий фикрлайдиган, қувноқ ва мафтункор образда намоён бўлади.
Ирем Ҳелважиўғлу
Машҳур турк актрисаси Ирем Ҳелважиўғлу “Муҳташам юз йил”да канизак Клара образи ва “Сўйла, Қора денгиз” сериалидаги роли ҳамда кинодаги бошқа ижролари билан кўпчиликнинг кўнглидан жой олган. У Туркия телевидение саноатининг ривожланишига сезиларли ҳисса қўшган. Актрисанинг “Гунеш қизлари”, “309-рақам” каби сериаллардаги образи машҳур бўлган.
Мелиса Донгел
“Қалбим эшигини қоқ” сериалидаги Жерен образини ижро этган Мелиса Донгел турк киносини муваффақиятли забт этди. Унинг отаси турк, онаси славян бўлиб, Донгел рус маданиятига бўлган муҳаббатини доим намоён қилган.
У “Эшигимни қоқ” сериалидаги ролидан сўнг “Севги. Онг. Қасос”, “Дунё ва менинг ўртамда”, “Севги тактикаси-2” каби лойиҳаларда бош ролларни ижро этди.
Эбру Шаҳин
Собиқ спортчи Эбру Шаҳин “Беқарор” телесериалидаги роли учун бутун дунё бўйлаб шуҳрат қозонди, шунингдек, “Истанбуллик келин” сериалидаги образи билан мухлислар меҳрига сазовор бўлди. Ҳозирда Эбру Туркиянинг энг ёрқин ва ёш актрисаларидан бири ҳисобланади.
Вилдан Атасевер
Театр саҳнасида ўз фаолиятини бошлаган актриса Вилдан Атасевер 2001 йилдан буён турк фильм ва сериалларида иштирок этмоқда. У “Муҳташам юз йил: Косем империяси” фильмида ҳам қатнашган.
Яқинда актриса янги лойиҳа — “Бонкис” трагик комедиясида суратга тушди. Унда фойда келтирмай қўйган кичик кафе бошқаруви ҳақида ҳикоя қилинади.
Бушра Девели
Актриса “Ёлғончилар” сериалида дебют қилди ва сёмка майдонида қаллиғи Бурак Дениз билан танишди. Бушра Девелининг “Агар эркак севса” сериалидаги роли унга машҳурлик олиб келган.
Ознур Серчелер
Актриса Ознур Серчелер ўзини мусиқа, театр, кино ҳамда сериалларда синаб кўрди ва деярли барча соҳада муваффақиятга эришди. Серчелер “Қўрғон сирлари” сериалида бадавлат Асуман Корхан хоним ролини ижро этди ва қисқа муддатда дунёга машҳур юлдузга айланди. Келажакда Ознур мусиқа соҳасидаги карьерасини ривожлантириш умидида.
Изоҳ (0)