Бурак Ўзчивит рўйхатда йўқ: Туркиянинг энг бадавлат актёри ким?

Машҳурларнинг шахсий ҳаёти доимо жамоатчиликда қизиқиш уйғотади. Актёрлик соҳасидаги муваффақиятнинг ўлчови нафақат мухлислар томонидан эътироф, балки муносиб маошга ҳам боғлиқдир. Қуйида Celebsrevealed маълумотларига асосланиб бугунги кунда Туркиянинг энг бадавлат актёр ва актрисалар рейтинги билан танишамиз.

5-ўрин — Серенай Сарикая

Турк актрисаси ва модели Серенай “Фи Чи Пи”, “Оила” сериалларидаги роллари билан халқ эътиборига тушган. Унинг активлари 186 миллион турк лираси (6 миллион доллар) ни ташкил қилади.

4-ўрин — Ҳанде Эрчел

“Гунеш қизлари”, “Севги сўзларни тушунмайди” сериаллари орқали танилган мафтункор Ҳанде бадавлат оилада туғилган. Ота-онасидан эрта ажралган ва унга катта мерос қолган. Актрисалик ва моделлик фаолияти Ҳандега яхши даромад олиб келган. Ҳозирда актриса 249 миллион турк лира (8 миллион доллар) лик активга эга.

3-ўрин — Жан Яман

Ҳозирда Италияда актёрлик фаолиятини давом эттираётган Яманнинг бойлиги 10 миллион доллар ёки 311 миллион турк лирасини ташкил қилади.

2-ўрин — Мерьем Узерли

“Муҳташам юз йил” сериалидаги Хуррам султон образини профессионал тарзда ёритган мафтункор Мерьем энг бадавлат актёрлар рўйхатида иккинчи ўринни эгаллади. Ҳозирда актриса Германияда яшамоқда ва унинг ўн миллион долларлик капитали бор.

1-ўрин — Киванч Татлитуғ

Фахрли ўринни эгаллаган Киванч Татлитуғ Туркиянинг энг машҳур актёрларидан бири бўлиб, у юқори даромадли ва муваффақиятли телевизион лойиҳаларда рол ўйнаган. Актёрнинг мухлислари унинг ижодини меҳр ва ҳайрат билан кузатиб боради. Татлитуғнинг бойлиги 15 миллион доллар ёки 466 миллион турк лирасини ташкил қилади.