Турк сериаллари сўнгги пайтларда томошабинларда кўпроқ қизиқиш уйғотмоқда ва уларни асосан аёллар кузатмоқда. Шунинг учун бўлса керак, турк актёрлари турк актрисаларига қараганда машҳурроқ. Бироқ турк актрисаларининг ҳам ўзларининг содиқ томошабинлари бор. Гўзал турк актрисалари шунчалик кўпки, улардан энг чиройлисини танлаш осон иш эмас. Marie Claire нашри томошабинлар меҳрига сазовор бўлган энг гўзал турк актрисалари номини маълум қилди.
Неслиҳан Атагул
«Севги изтироби» ва «Ишқ соҳиллари» сериаллари юлдузи Неслиҳан Атагул эндигина 30 ёшда, аммо бу ёшда у нафақат ўз ватанида, балки бутун дунё бўйлаб машҳурликка эришган. Унинг арсеналида Япониядан Россиягача бутун дунё тан олган мукофотлар мавжуд. У нафақат сериалларда, балки фильмларда ҳам рол ўйнайди. Ўзининг ёрқин қиёфаси туфайли актриса кўпинча реклама роликларида суратга тушади. Шунингдек, Неслиҳан омма олдида макияжсиз кўринишни яхши кўради.
Баҳар Шаҳин
Анқаралик актриса ҳозир 25 ёшда. Шаҳин 21 ёшида Карачайлар оиласининг мураккаб тарихи ҳақида сериалда рол ўйнашни бошлаган. Шаҳиннинг бошқа турк актёрлари билан муносабатлари матбуотда бетўхтов муҳокама қилинади. Чунки актриса жуда гўзал ва бетакрор кўринишга эга.
Дениз Угур
«Золим Истанбул»нинг яна бир соҳибжамол актрисаси сериалда бош ролни ижро этган 49 ёшли актриса Дениз Угурдир. Дениз мунтазам равишда Туркиянинг энг жозибали актрисалари рўйхатига киритилади. Омммавий ахборот воситалари эса унинг қандай қилиб жуда ёш кўринишга муваффақ бўлганига қизиқади. Дениз ҳанузгача сирини ошкор қилмаган.
Диляра Ўзтунч
2013 йилда суратга олинган «Ишқ соҳиллари» сериали бутун дунё бўйлаб томошабинларни кўплаб гўзал актрисалар билан таништирди. Сериал премьераси пайтида Диляра Ўзтунч 25 ёшда бўлган. Унинг ташқи кўринишида Голливуд юлдузларига хос гўзаллик бор ва шунинг учун ҳам кўплаб мулхислари кўнглидан жой олган.
Седа Туркман
Измирлик актриса Седа Туркмен бугун 36 ёшда. Айтганча, унинг турмуш ўртоғи ҳам актёр — Бора Аккаш. «Ишқ соҳиллари» сериалидаги Фаҳрие роли унинг дебюти бўлиб, кейинчалик кино саноатига йўл очди. Седа Яқин Шарқнинг одатий кўринишига эга — қора соч ва думалоқ кўзлар. Ҳар йили Седа энг гўзал турк актрисалари қаторидан жой олади.
Бирже Акалай
2004 йилда «Қора ва оқ севги» мелодрамаси юлдузи «Туркия гўзали» танловида 3-ўринни эгаллаган. Бугун Бирже 38 ёшда, у фильм ва сериалларда рол ўйнашда давом этмоқда. Сўнгги суратга тушган картиналари «Бобил» ва «Сўнгги ёз». Бироқ унинг энг машҳур роли «Қора ва оқ севги»идаги шифокор Асла роли бўлиб қолмоқда.
Дилан Чичек Дениз
Дилан 16 ёшидан бошлаб моделлик билан шуғулланди ва Elidor Miss Turkey гўзаллик танловида иштирок этиб, иккинчи ўринни эгаллади. У Майами шаҳрида бўлиб ўтган «Коинот гўзали» танловида Туркия шарафини ҳимоя қилган. Дилан сўнгра кино оламига кириб келди ва дарҳол энг гўзал актрисалардан бири мақомини олди. У «Чуқур» сериалида Сена ролини ижро этган.
Эсра Билгич
«Эртуғрул» сериали бутун дунёга актриса Эсра Билгичнинг драматик истеъдоди ва ноёб гўзаллигини очиб берди. У доимий равишда тарихий либосларда томошабинлар қаршисига чиқадиган Ҳалиме Хотун образида эсга тушади. Суратга тушиш ишларидан ташқарида Эсра ёрқин услубда кийинишни яхши кўради.
Изоҳ (0)