Машҳур турк сериаллари орқали барчага таниш бўлган актрисалар орасида бир-бирига ниҳоятда ўхшаш бўлган гўзал чеҳралар ҳам йўқ эмас. Мухлислар фикрига кўра, уларга қараб актрисаларнинг эгизак эмаслигига ишониш қийин.
Ягмур Танрисевсин ва Ҳафсанур Санжактутан
“Агар қаттиқ севсангиз” фильмидаги Лейла Дениз образи билан машҳур бўлган Ҳафсанур Санжактутан яна бир истеъдодли актриса Ягмур Танрисевсинга жуда ўхшаб кетади. Уларнинг иккиси ҳам эрканларда бир хил образда намоён бўлади: актрисаларнинг сочи, ранги, юз тузилиши, бурун қирраси ва ҳатто пардоз қилиш услуби ҳам ўхшаш. Фақатгина Ҳафсанурнинг ёноғидаги кичик холи актрисани бошқа гўзаллардан ажратиб туради.
Ипек Тенолжай ва Ҳуля Авшар
“Оила”, “Ёлғон”, “Бўрилар водийси” каби сериалларда иштирок этган актриса Ипек Тенолжай хонанда ва актриса Ҳуля Авшарга ташқи жиҳатдан жуда ўхшаш. Авшар карьераси давомида 70 дан ортиқ кино лойиҳалардан иштирок этган ва бир неча марта бош ролларни ижро этган. Агарда “Кўсем” сериалида Сафия султон образини Ҳуля эмас, Ипек гавдалантирганида эди, томошабин актрисалар ўрни алмашиб қолганини пайқамай қолиши шубҳасиз.
Мелиса Асли Памук ва Ясемин Азижи
Ўзбек томошабинларига “Севги изтироби” сериалидаги Асу образи билан яхши таниш актриса Мелиса Асли Памук ҳамда “Севги тактикаси” юлдузи Ясемин Азижи ҳам қиёфадош кино юлдузлардир. Жигарранг кўзли ва сочли Мелиса ва Ясемин бир қарашда опа-сингилларга ўхшайди.
Ҳанде Эрчел ва Зеҳра Йилмаз
Бугунги кунда энг катта даромад олаётган кино юлдузи, “Қалбим эшигини қоқ”, “Маликам энди қара” ва бошқа кўплаб сериалларда бош ролни ижро этган Ҳанде Эрчел ҳам ушбу рўйхатдан ўрин олди. Дизи мухлисларининг фикрига кўра, унга “Қалб яраси” ва “Ҳукмдор Усмон” тарихий драмаси орқали танилган Зеҳра Йилмаз жуда ўхшайди. Иккала актриса ҳам турк кино саноатида ўз ўрнига эга.
Изоҳ (0)