“Севги изтироби”, “Қўрғон сирлари” ва “Эшигимни қоқ” каби турк сериаллари намойишидан сўнг баъзи актёр ва актрисалар ашаддий кино ва сериал ихлосмандларининг нафрати ва тазйиқига учраган. Сериаллардаги қаҳрамонни реал ҳаётдаги инсондан ажрата олмаган баъзи томошабинлар актёрларни ҳатто судга мурожаат қилишига мажбур қилган. Қуйида роллари туфайли мухлислар нафратига учраган актёр ва актрисалар воқеалари билан танишамиз.
- Амир (“Севги изтироби”) — Каан Урганжиўғлу
“Севги изтироби” сералидаги Амир роли Каан Урганжиўғлуга ҳам шон-шуҳрат, ҳам томошабинларнинг нафратини олиб келди. Ниҳон ва Камол жуфтлигининг содиқ мухлислари уларнинг бирга бўла олмаслигида актёрни айблади. Шу пайтгача драматик севги ҳикояси ҳақидаги сериални томоша қилган ҳар бир киши актёрнинг янги ролларига кўника олмайди. Каан келишган, меҳрибон ва ёқимтой йигитларнинг ролини ўйнаса ҳам, улар барибир Амирни кўргандек бўлишади.
- Пелин (“Қўрғон сирлари”) — Буче Бусе Каҳраман
Буче Бусе Каҳраман сериалларни севувчи томошабинлар томонидан энг кўп танқидларга учраган актрисалардан биридир. “Қўрғон сирлари” намойиши бошлангач, актрисанинг ижтимоий тармоқдаги саҳифасига юзлаб салбий изоҳлар ёғила бошлаган. Ҳатто баъзилар унга ўлим тилаган. Актриса Пелин салбий образини шунчалар яхши ижро этганки, тармоқларда негатив изоҳлар оқими тугамаган ва Буче Бусе баъзи фойдаланувчиларни судга беришга ва ижтимоий саҳифасини тартибга солишга мажбур бўлган. Сериалнинг иккинчи мавсумида Пелиннинг яна пайдо бўлиши мухлисларни янада хайрон қолдирди.
- Казим (“Қўрғон сирлари”) — Дирен Полатоғуллари
“Қўрғон сирлари” даги Сейран ва Сунанинг отаси ролини ижро этган Дирен ҳам аудиториянинг нафратига дучор бўлган. Сериалда ўлим ёқасига келганда тавба қилган ва яхши инсонга айланган Казим образи ҳануз мухлислар онгида энг салбий характер сифатида қолиб кетган. Бунинг устига, актёр бошқа кўплаб лойиҳаларда кўпроқ салбий қаҳрамон ролларини ўйнаб келган.
- Желал (“Ичкарида”) — Четин Текиндор
Четин Текиндор актёрлик билим ва маҳоратини турк юлдузларининг ёш авлодига етказиб бераётган чинакам истеъдодли инсон. “Ичкарида” сериалини доимий равишда томоша қилганлар Желал исмли қаҳрамонни қаттиқ қоралагани шубҳасиз. Актёр сериалда унга ёқмаган ва йўлига тўсқинлик қилган ҳар қандай инсонни ўлдиришга тайёр бўлган мафия бошлиғи образини гавдалантирган.
- Балжа (“Эшигимни қоқ”) — Илайда Чевик
“Эшигимни қоқ” сериалида актриса Илайда Чевик ижро этган салбий қаҳрамон лойиҳада қисқа вақт кўриниш берган бўлса-да, томошабинлар нафратини қўзғашга улгурди. Ижтимоий тармоқларда актрисага турли босимлар, ҳақоратлар, кинони тарк этиши лозимлиги ҳақида изоҳлар келиши бунга далилдир.
- Невра (“Қўрғон сирлари”) — Бетюл Актел
Невра ролини ижро этиш, эҳтимол, Бетулнинг энг таваккалона қарорларидан бири эди, чунки актриса Буче Бусе Каҳраман сингари аудитория нафратига учрашини аввалдан билган. Ахир сериалда Ферит Корҳаннинг севгилиси ролини ўйнаш томошабинлар ғазабига дучор бўлиш демакдир.
- Женгиз (“Менинг онам”) — Беркай Атеш
“Менинг онам” телесериалида бош қаҳрамоннинг ўгай қизини таҳқирлашини кўриш томошабинларни чуқур қайғу ва ғазабга солди, чунки актёр Беркат Атеш салбий образни профессионал ва ишонарли тарзда ижро этган. Сериалнинг илк қисмлари чиққандан кейин актёрга нисбатан мунтазам равишда таҳдидлар бўлган.
Изоҳ (0)