Турк сериаллари юзлаб эпизодлардан ташкил топган фақатгина севги ҳақидаги ҳикоялардан иборат эмас. Турк кино саноатида Ғарбнинг машҳур фильмларини ўзгача талқинда қайта суратга олиш ҳам урф бўлган. Баъзан бундай ремейклар томошабинлар томонидан юқори баҳоланган асл фильмдан ҳам муваффақиятлироқ чиқади.
Қуйида ҳақиқатан ҳам эътиборга лойиқ бўлган хорижий сериалларнинг туркий ремейкларини кўриб чиқамиз.
“Беҳаёлар”/ “Бизнинг ҳикоя” (“Bizim hikaye”)
“Беҳаёлар” каби ғарбга хос сюжет, албатта, турк маданияти учун тўғри келмайди, аммо мазкур фильмнинг мослаштирилган варианти Туркияда, ҳам хорижда бир зумда муваффақият қозонди. Туркча версияда ҳикоялар “қоғозга ўралган” ҳолда тақдим этилган: сериалда мунозарали саҳналар йўқ, аммо томошабинларга ёқадиган ҳаётий драма ва ёрқин воқеалар ривожи сериални кўришда давом этишга туртки беради.
“Ғийбатчи қиз” / “Истанбулнинг кичик сирлари” (“Küçük Sirlar”)
Мазкур сериалда Туркиядаги энг нуфузли оилалардан бўлган ўсмирлар ҳақида ҳикоя қилинади. Уларнинг ҳар бирида ўзига хос кичик сирлари бор. Йигит-қизларнинг бари қимматбаҳо ва ҳашаматли ҳаёт кечирса-да, хиёнат, ёлғон, хавфли ўйинларни бошидан ўтказади. Шунингдек, ҳар қандай ҳолатда ҳаммадан ўзиб кетиш, бойроқ ва машҳурроқ бўлиш учун кураш ҳам олиб борилади. Мухлислар фикрига кўра, сериал ажойиб актёрлик жамоасини ўзида бирлаштирган. Айниқса Бурак Ўзчивит ва Кадир Доғулу каби актёрлар сериалдаги ҳикоялар ёрқинроқ чиқишига ўз ҳиссасини қўшган.
“Сабрина кичик жодугар” / “Тажрибасиз жодугар” (“Acemi Cadi”)
Ремейк сюжети ва қаҳрамонларнинг барчаси деярли асл фильмдагидек ишланган, фақатгина сериалдаги исмлар ўзгартирилган. Сабринанинг ўрнига Ойшагул, Ҳилда ва Зелда холалар ўрнига Мелда ва Селда хола исмли қаҳрамонлар экранда гавдаланади. Америкача версиясидаги каби, бош қаҳрамон — ўсмир қиз Ойшагул тасодифан ўзининг сеҳрли иқтидори ҳақида билиб қолади ва янги қобилиятларни ўрганиш ва ривожлантиришни бошлайди.
“Умидсиз уй бекалари” / “Умидсиз уй бекалари” (“Umutsuz Ev kadinlari”)
Мазкур ремейк оригинал сериалнинг сюжетини тўлиқ сақлаб қолган. Шаҳар чеккасида беш нафар уй бекаси истиқомат қилади. Сериалда ўзини доим ёш боладек тутадиган, хаёлпараст Сузан, идеал рафиқа Беррин, ўйин-кулгини севувчи ва келишган эркакларга доим эътибор қаратаверадиган гўзал Йилдиз, барчага ибратли бўлган она Лейла, мафтункор ва ўйноқи Эмел кабилар ҳаёти ҳақида ҳикоя қилинади. Улардан бири ўз жонига қасд қилиши барчани саросимага солади ва уларнинг бари бундай фожиа қандай қилиб содир бўлганини аниқлашга ҳаракат қилади.
“Доктор Ҳаус” / “Ҳекимўгли” (“Hekimoğlu”)
Атеш Ҳекимўғли — инфексиология ва неврология йўналишлари бўйича профессионал шифокор. У бир оз қўпол характерли, аммо ажойиб инстинкт ва ақл бовар қилмайдиган билимга эга. Ҳекимўгли барча инсонлар ёлғон гапиради, деб ҳисоблайди, шунинг учун ҳар сафар беморларга ташхис қўйиш жараёни ҳақиқий терговга айланади. Унинг жамоаси Ҳекимоғли билан тез-тез баҳслашади, чунки шифокор барча ишни ўз билганича ҳал қилади. Ҳамкасбларининг норозилиги ҳам, тиббий этика ҳам уни тўхтата олмайди. Ёш шифокорлар жамоаси билан биргаликда у энг умидсиз ишларни ўз зиммасига олади ва доимо касалликка шифо топади.
“Сеҳрланганлар” / “Atiye”
Атие исмли ёш рассом Истанбулда яшайди. У ўзини бахтли ҳис қилиши учун ҳамма нарсага: севимли иш, ижодий илҳом учун шаҳарнинг гўзал манзараси, Ўзан билан ишончли ишқий муносабатларга эга бўлади. Кунларнинг бирида у қадимги Гўбекли Тепе мажмуасида бир археолог қаҳрамон билан боғлиқ сирли артефактни топади. Сўнг у ўтмиш ва бугунги кун ҳақидаги саволларга жавоб топишнинг қийин йўлига киришга мажбур бўлади. Бу йўл унинг атрофидаги ҳамма нарса ҳақидаги фикрларини бутунлай ўзгартириб юборади. Атие “Сеҳрланганлар” сериалидаги Фиби сингари, у ҳам ўз тақдирини ўрганишга киришади ва турк маданияти ҳикояга сеҳрли жозиба қўшади.
“Ёлғиз юраклар” / “Тўлқин” (“Medcezir”)
Истанбулнинг хароба маҳалласидаги нотинч оилада ўсган Яманнинг болалиги драма ва саргузаштларга бой. Отаси оилани эрта тарк этади, онаси бошқа эркакка турмушга чиқади. Яман учун ҳурматга сазовор ягона инсон — унинг акаси Кенан бўлади. Кенан ўзини бутунлай бошқа шахс сифатида кўрсатишга ҳаракат қилса-да, аслида у жиноятчи. Болалигидан ҳам ишлашни, ҳам ўқишни баравар олиб боришнинг уддасидан чиққан Яман кунларнинг бирида Кенаннинг айби билан қамоққа тушиш хавфига дуч келади.
Изоҳ (0)