Турк сериаллари юлдузи, таниқли актёр Бурак Ўзчивит ТН телеканалига берган интервьюсида оиласи билан Янги йилни қандай нишонлаши ҳақида сўзлаб берди. Унинг таъкидлашича, Туркияда ҳам Янги йил байрами худди МДҲ давлатларидагидек нишонланади. Ўзининг аввалдан режалаштирилган ва тиғиз кун тартибига қарамай, Ўзчивит байрам тушлигини оиласи даврасида ва дўстлари билан ўтказишни маъқул кўради.
Актёрнинг сўзларига кўра, Бурак ўз касбини жуда яхши кўради ва ҳар бир лойиҳага жиддий ёндашади. Унинг иш графиги доим банд бўлади, аммо айнан Янги йил байрамини яқинлар даврасида нишонлаш учун вақт топади.
“Умуман олганда, мен жуда меҳнаткаш одамман. Мен ҳатто якшанба кунлари ҳам ҳеч қачон дам олмайман, аммо янги йил куни мен одатда ота-онам, оилам, қариндошларим билан бирга бўламан”, деди актёр.
Туркияда ҳам байрам арафасида қариндошлар ҳолидан хабар олиш, яқинларга совғалар улашиш одат тусига айланган. Бурак Ўзчивитнинг сўзларига кўра, турклар салютларни томоша қилишни яхши кўради. Қишки байрамда мушакбозлик шоулари асосан Босфор бўғози томонда намойиш этилади.
Эслатиб ўтамиз, Бурак Ўзчивит сўнгги марта Россияда суратга олинадиган янги “Сиз билан узоқ вақт қоламан” (“Я к тебе надолго”) номли сериалда бош қаҳрамон ролини ижро этди. Ушбу романтик комедияда тўсатдан Москвага қайтган туркиялик машҳур юлдуз ва унинг саргузаштлари ҳақида ҳикоя қилинади. Сериалнинг биринчи қисми 2025 йил декабрь ойида Иви онлайн платформасида намойиш этилади.
Изоҳ (0)