Олимлар кун давомида турли вақтда қаҳва истеъмол қилиш танадаги жараёнларга ҳар хил таъсир қилишини ўрганиб чиқди.
Euroпеан Heart Жоурнал да чоп этилган катта тадқиқотга кўра, тонгда қаҳва ичиш умрни узайтиради ва юрак хасталиклари сабабли юзага келадиган ўлим хавфини 31 фоизга камайтиради.
“Масала нафақат қаҳва ичиш/ичмаслик ёки қанча стакан истеъмол қилиш, балки уни қайси вақтда ичишда ҳамдир”, деди Тулейна университети профессори Лу Ци.
Олимлар 1999 йилдан 2018 йилгача бўлган даврда 18 ва ундан катта ёшдаги 40 725 кишининг овқатланиши ва саломатлиги ҳақидаги маълумотларни ўрганди. Тадқиқот давомида иштирокчилар кофеинли ва кофеинсиз қаҳва ичишди. Вақт классификацияси учта даврга бўлинди: тонг (04:00 дан 11:59 гача), тушдан кейин (12:00 дан 16:59 гача) ва кечқурун (17:00 дан 03:59 гача).
Иштирокчиларнинг 36 фоизи фақат эрталаб кофе ичган, 16 фоизи эса кун давомида ва кечгача бу ичимликни истеъмол қилган. Тадқиқот натижалари шуни кўрсатдики, тонгда қаҳва (кунига бир-икки стакан) ичган иштирокчиларда юрак хуружи ва бевақт ўлим хавфи камайган.
Олимлар қаҳва ичиш туфайли юзага келадиган соғлиқдаги муаммолар унинг истеъмол қилинган вақти туфайли содир бўлади, деган хулосага келди, чунки кечки кофе сиркад ритмлар ва мелатонин даражасининг бузилишига олиб келади.
Изоҳ (0)