Olimlar kun davomida turli vaqtda qahva iste’mol qilish tanadagi jarayonlarga har xil ta’sir qilishini o‘rganib chiqdi.
European Heart Journal da chop etilgan katta tadqiqotga ko‘ra, tongda qahva ichish umrni uzaytiradi va yurak xastaliklari sababli yuzaga keladigan o‘lim xavfini 31 foizga kamaytiradi.
“Masala nafaqat qahva ichish/ichmaslik yoki qancha stakan iste’mol qilish, balki uni qaysi vaqtda ichishda hamdir”, dedi Tuleyna universiteti professori Lu Tsi.
Olimlar 1999-yildan 2018-yilgacha bo‘lgan davrda 18 va undan katta yoshdagi 40 725 kishining ovqatlanishi va salomatligi haqidagi ma’lumotlarni o‘rgandi. Tadqiqot davomida ishtirokchilar kofeinli va kofeinsiz qahva ichishdi. Vaqt klassifikatsiyasi uchta davrga bo‘lindi: tong (04:00 dan 11:59 gacha), tushdan keyin (12:00 dan 16:59 gacha) va kechqurun (17:00 dan 03:59 gacha).
Ishtirokchilarning 36 foizi faqat ertalab kofe ichgan, 16 foizi esa kun davomida va kechgacha bu ichimlikni iste’mol qilgan. Tadqiqot natijalari shuni ko‘rsatdiki, tongda qahva (kuniga bir-ikki stakan) ichgan ishtirokchilarda yurak xuruji va bevaqt o‘lim xavfi kamaygan.
Olimlar qahva ichish tufayli yuzaga keladigan sog‘liqdagi muammolar uning iste’mol qilingan vaqti tufayli sodir bo‘ladi, degan xulosaga keldi, chunki kechki kofe sirkad ritmlar va melatonin darajasining buzilishiga olib keladi.
Izoh (0)