Ўзбекистонда 2025 йил 1 январга қадар импорт божхона божининг нол ставкалари белгиланган товарларга импорт божхона божининг нол ставкасини қўллаш муддати 2026 йил 1 январга қадар узайтирилди. Бу ҳақда президентнинг бизнес учун тенг шароит ва адолатли рақобат муҳитини таъминлашга қаратилган фармонида белгиланди.
Фармон билан маҳсулотларнинг қуйидаги тоифалари назарда тутилган:
- чўчқа гўшти ва бошқа гўшт (парранда гўштидан ташқари), шунингдек, чўчқа ёғи ва уй парранда ёғи;
- гўшт консервалари ва бошқа маҳсулотлар;
- консерваланган балиқ ва икра;
- кефир, йогурт, пахта, қуюлтирилган сут (қўшимчалар билан ва уларсиз);
- пишлоқлар ва творог;
- қобиқсиз тухумлар, тухум сариғи;
- пиёз, саримсоқпиёз, шалот пиёз ва бошқа пиёзли сабзавотлар;
- салат латук, сикорий;
- дуккаклилар;
- сабзавот консервалари;
- мевалар (хурмо, анжир, ананас, авокадо, гуава, манго ва мангостин, олма, нок, беҳи) ва ёнғоқлар;
- ун (буғдой ва жавдардан ташқари);
- картошка гранулалари;
- бошоқли дон;
- нон, нон-булка ва макарон маҳсулотлари;
- кокос ва палма мағзи ёғи;
- спагети, макаронлар, угра, лазаня, равиоли каби макарон маҳсулотлари;
- шоколад, қандолатчилик маҳсулотлари, вафлилар;
- мурабболар, мармеладлар, мевали желе, мева ва ёнғоқ пюреси;
- консерваланган мевалар, ёнғоқлар ва ўсимликларнинг бошқа истеъмол қилинувчи қисмлари;
- қаҳва, чой ёки парагвай чойи ёки мате, арагвай чойининг экстрактлари, эссенсия ва концентратлари, тайёр маҳсулотлар;
- соуслар ва зираворлар, хантал кукуни;
- тайёр шўрвалар ва булёнлар, уларни тайёрлашга ярим тайёр маҳсулотлар;
- бутилкали сув ва ичимликлар;
- сочлар учун воситалар;
- дезодорантлар, соқол олиш учун воситалар, парфюмерия;
- болалар кийими ва улар учун жиҳозлар;
- патак узунлиги 24 смгача бўлган пойабзал.
Фармон билан, шунингдек, 2028 йилга қадар қўшилган қиймат солиғи ва фойда солиғи ставкалари оширилмаслиги белгиланди.
2025 йил 1 январдан 2028 йил 1 январга қадар тикув-трикотаж, пойабзал ва чарм-атторлик саноати йўналишларида ишлаб чиқариш фаолиятини юритаётган тадбиркорлик субъектлари учун фойда солиғи ва ўзларининг ходимлари учун жисмоний шахслардан олинадиган даромад солиғи ставкалари 1 фоиз этиб белгиланди.
2025 йил 1 апрелдан бошлаб даромадидан қатъи назар, фармацевтика маҳсулотлари савдоси билан шуғулланувчи ёки тиббий хизмат кўрсатувчи юридик шахслар қўшилган қиймат солиғини тўловчилар деб эътироф этилади.
Изоҳ (0)