Қуёшда 29 декабрь куни Х синфидаги кучли чақнаш содир бўлди. Ерни 31 декабрдан 1 январгача магнит бўронлари қоплаши кутилмоқда. Бу ҳақда Россия Қуёш астрономияси лабораторияси маълум қилди.
Мутахассиснинг сўзларига кўра, Қуёшдаги кучли чақнаш эрталаб соат 10:18 да содир бўлган. Портлаш фазаси тахминан ярим соат давом этган. Ҳафта давомида қуёш фаоллиги ошган. Бу вақт ичида Қуёшдаги чақнашлар сони деярли икки баравар кўпайган, аммо Х синфидаги кучли чақнаш 29 декабрда кузатилган.
Қуёш чақнашлари рентген нурланишининг кучига қараб беш синфга бўлинади: А, B, C, М ва Х. Прогнозлар бўйича 31 декабрдан 1 январга қадар магнит бўронлари кузатилиши керак.
Магнит бўрони салбий таъсирининг энг кенг тарқалган кўринишлари:
- бош айланиши ва бош оғриғи;
- уйқу бузилиши;
- диққатни жамлаш билан боғлиқ муаммолар;
- қон босимнинг бузилиши;
- сурункали касалликларнинг кучайиши;
- оғриқлар, шунингдек, бўғимлардаги оғриқ;
- иштаҳа бузилиши ва кўнгил айниши;
- ҳолсизлик.
Бундай кунларда организмга ёрдам бўлиши учун кунига камида 7-8 соат ухлаш маслаҳат берилган. Рациондан ёғли ва аччиқ овқатларни олиб ташлаб, қаҳва миқдорини камайтириб, кўпроқ ўсимликлардан тайёрланган чой ва сув истеъмол қилиш керак. Шунингдек, контрастли душ, эрталабки машқлар, тоза ҳавода юриш, югуриш магнит бўрони фонида саломатликни яхшилашга ҳисса қўшади.
Изоҳ (0)