Россия Фанлар академияси 6 ноябрь, душанба куни Ерни кучли магнит бўронлари қоплашини маълум қилди. Бу ҳақда “Комсомолская правда” хабар берди.
Магнит бўронлари 15 ноябргача давом этиши прогноз қилинмоқда. Фаолликнинг асосий чўққиси 9 ноябрга тўғри келади, шундан сўнг магнит бўрони 10-15 ноябрь кунлари яна фаоллашади.
Aтмосфера босимининг ўзгариши туфайли одамларда бош оғриғи, мигрен, умумий саломатликнинг ёмонлашиши, уйқучанлик пайдо бўлиши мумкин. Сурункали касалликлар, айниқса, юрак-қон томир ва неврологик касалликка чалинганлар ўта сезгир бўлади.
Магнит бўронлари ҳатто ўрта кучга эга бўлса ҳам инсон саломатлигига салбий таъсир кўрсатади
Бундай кунларда организмга ёрдам бериш учун кунига камида 7-8 соат ухлаш маслаҳат берилган. Рациондан ёғли ва аччиқ овқатларни олиб ташлаб, кунига камида 2 литр сув ичиш тавсия қилинади. Қаҳва миқдорини камайтириб, ўсимликлардан тайёрланган чой истеъмол қилиш керак.
Шунингдек, контраст душ, эрталабки машқлар, тоза ҳавода юриш, югуриш магнит бўрони фонида саломатликни яхшилашга ҳисса қўшади.