Кечқурун қаҳва ичолмайсизми? Бизга эрталаб уйғониш ва кайфиятни кўтариш учун кофеин керак. Бироқ, қаҳвани жуда яхши кўрадиган инсонлар қаҳва ичмасдан ухлай олмаслигини айтишади. Кечаси қаҳва ичиш мумкинми ёки йўқми? Қандай қаҳва уйқусизликка олиб келмайди?
Кўплаб шифокор ва диетологлар уйқу олдидан қаҳва ичиш зарарли эканлиги ҳақида огоҳлантиради. Кофеин асаб тизимини қўзғатади, юрак-қон томирлари, буйрак ва гормонал мувозанатга таъсир қилади, шунингдек, мелатонин ишлаб чиқаришни сусайтиради.
Умумий қабул қилинган тавсия
Одатда диетологлар уйқуга ётишдан 2-4 соат олдин қаҳва ичмасликни тавсия қилади. Агар сиз уйқучи бўлсангиз ва соат кечки 22:00 да уйқуга ётсангиз қаҳвани 18:00 га қадар ичиш мумкин. Ёки кечаси кечроқ ухласангиз 20:00 гача қаҳва ичиш тавсия этилади. Кофеин кучли модда, шунинг учун кечаси ичилган қаҳва уйқусизликни келтириб чиқариши мумкин. Бундан ташқари, эрталаб шиш ва бош оғриғисиз уйғониш учун организм кофеинни қайта ишлаш ва уни табиий равишда олиб ташлаш керак.
Кечаси қаҳва ичиш мумкин, деган мулоҳазалар бор
Масалан, эндокринолог Алексей Калинчевнинг сўзларига кўра, кечаси ичилган қаҳва соғлом инсонларга зарар келтирмайди ва уйқуга халақит бермайди. Асосийси оч қоринга қаҳва ичмаслик керак.
“Оч қоринга қаҳва сурункали ошқозон-ичак касалликлари: гастрит, ошқозон яраси, сурункали панкреатитни кучайтириши мумкин. Дарҳақиқат, барчамизда бир ёки бошқа босқичда бу касалликлар мавжуд, улар мактаб ёки талабалик йилларидан ремиссияда бўлиши мумкин. Инсонлар оч қоринга қаҳва ичганида, уларда нотўғри овқатланиш одатлари ва соғлом очлик ҳисси бўлмайди. Улар эрталаб овқат ейишни ва кайфиятни кўтариш учун қаҳва ичишни хоҳламайди.
Кечқурун кимлар қаҳва ичмаслиги керак?
Гап шундаки, қаҳва ҳар бир инсонга ўзига хос тарзда таъсир қилади. Кимдир кечаси, ҳатто соат 16:00 да қаҳва ичганидан кейин ҳам яхши ухламайди ва кимдир кечки қаҳвадан кейин осонгина ухлаб қолади. Олимлар турли инсонларнинг биоритмларини ўрганиб чиққандан сўнг, кўпинча уйқучи инсонлар кечки қаҳвадан кейин уйқусизликдан азият чекишини, кеч ухлайдиган инсонлар эса бу ҳолатдан камроқ азият чекиши ҳақидаги хулосани тақдим этган.
Шифокорлар 55 ёшдан ошган инсонларга қаҳва ичишни тавсия этмайди. Соғлиғи билан боғлиқ муаммолари бўлган инсонларга ҳам кечқурун қаҳва ичиш мумкин эмас: ичимлик юрак уришини тезлаштиради, қон босими ва глюкоза даражасини оширади.
Қандай ҳолатларда уйқу олдидан қаҳва ичиш тавсия этилмайди?
Баъзи ҳолларда бу ичимлик уйқу таблеткаси сифатида хизмат қилиши мумкин. Дунёдаги аҳолисининг тахминан 10 фоизи кофеин таъсирига қарши иммунитетга эга, шунинг учун улар кечаси бир чашка қаҳва ичганда ухлаб қолиши мумкин. Шунингдек, қаҳва кунига тўрт стакандан кўпроқ ичадиган инсонларга таъсир қилади ва бу уларда уйқусизликка сабаб бўлади. Бошқа инсонлар ҳали ҳам бу ичимликни ичишда эҳтиёт бўлгани маъқул.
Қандай қаҳва уйқуга халақит бермайди?
Шубҳасиз, қаҳва доначалари ва цикория асосида тайёрланган қаҳва ичимлиги уйқуга халақит бермайди. Бундан ташқари, ловия донасидан тайёрланадиган қаҳвани ичиш мумкин. Уларда камроқ миқдорда кофеин мавжуд, бироқ юрак тезлигини секинлаштирадиган ва асаб импулсларини тинчлантирадиган теобромин бундай қаҳваларда анча кўп. Қаҳва ичгач яхши ухлашни истайдиган инсонлар эрийдиган қаҳва ичимлигини ичишади.
Изоҳ (0)