Агар замонавий тиббиёт касалланган орган ва тизимларни алоҳида даволашни назарда туца, муқобил яхлит тиббиёт, аксинча, инсон организмини ягона тизим сифатида даволашни илгари суради. Замонавий илм-фаннинг тенденцияси бу икки йўналишни бирлаштиришдир. Бу нимага олиб келиши мумкин ва бугунги кунда умуртқа диагностикасида қандай ишлайди? Бу ҳақда Ву Минг Дао даволаш амалиёти мактабининг мутахассиси Анна Владимирова сўзлаб берди.
Агар тиш оғриса, стоматолог қабулига борамиз. Аммо кардиолог қабулига эмас, гарчи (ва бу илмий ҳақиқат бўлса ҳам!).
Кариесни келтириб чиқарадиган бактериялар ҳаёт учун хавфли бўлган эндокардит — юракнинг ички қобиғининг яллиғланишини қўзғатади.
Негаки бизда болаликдан турли аъзоларни даволаш учун турли шифокорларга борганимиз сабабли, ҳар бир аъзо ўзига хос касалликдан азият чекади, уни бошқа аъзолардан мустақил равишда даволаш мумкин, деган қараш пайдо бўлган.
Агар сиз бу ҳақда ўйлаб кўрсангиз ва чуқурроқ назар солсангиз, аниқ хулосага келишингиз мумкин: бир-биридан бир неча сантиметр масофада жойлашган органлар мустақил равишда ишлай олмайди (ва шунинг учун ҳам касал бўлиб қолади).
Оғриб қолганда фақат битта аъзони эмас, балки бутун организмни даволаш керак.
Тана асоси
Инсон организми барча органлар ва тизимларни бир бутунга бирлаштирган кучли рамкага эга. Умуртқа поғонаси — тананинг асоси бўлиб, деярли барча ички органлар унга бириктирилган. Нервлар умуртқа поғонасидан тарқалади, бу орқали мия ички органларнинг ишини бошқаради ва улардан ахборот олади.
Шунга кўра, агар умуртқа поғонасида бузилишлар мавжуд бўлса, унда ички органларга борадиган нервлар нотўғри маълумотни узатиши мумкин ва бу билан орган зарар кўради. Қарама-қарши фикр ҳам тўғри: агар у ёки бу орган касалланса, бу умуртқа поғонаси ҳолатига таъсир қилиши мумкин.
Умуртқа поғонаси диагностикаси
Тиббий амалиётда сегментал иннервация харитаси деб аталадиган нарса мавжуд: у қайси умуртқа қайси органлар билан боғлиқлигини аниқ кўрсатиб беради.
- Бўйин умуртқаси (1 дан 7 гача) — эшитиш ва кўриш органларининг соғлиғи, нутқ аппарати ва мия ҳолати билан боғлиқ. Бўйин умуртқасидаги мушакларнинг зўриқиши бош оғриғига олиб келиши мумкин. Бўйин ҳудудини бўшаштиришга қаратилган машқлар бош оғриғини (ҳатто, ҳужум пайтида ҳам) енгиллаштиради ва кўришни ёрқинлаштиради.
- Еттинчи бўйин умуртқаси — қалқонсимон безнинг соғлиғи учун масъул бўлган катта нерв маркази. 7-умуртқа ва 1-3 кўкрак умуртқаларининг минтақаси ҳам юрак саломатлиги билан боғлиқ. Бўйиннинг пастки қисмида қўнғизсимон бўртма пайдо бўлган кекса одамларга эътибор беринг. 99 фоиз эҳтимоллик билан улар юрак билан боғлиқ муаммоларга дуч келади: босимнинг кўтарилиши, стенокардия ёки аритмия ҳужумлари кузатилади. Агар ёш одамда умуртқа поғонасининг бундай деформацияси кузатилса, бу огоҳлантирувчи сигнал бўлиб, умуртқа поғонасига ғамхўрлик қилиш ва юракни текшириш вақти келганини англатади.
- 4-8 кўкрак умуртқалари овқат ҳазм қилиш тизими билан боғланган. Мисол учун мунтазам қаҳва истеъмоли кўкрак соҳасида оғирлик ҳиссини бериши мумкин. Ва бу ерда гап шундаки, ошқозон маҳсулотни деярли ўзлаштирмайди ва кўкрак умуртқасига ноқулайлик сигналини узатади.
- 9-12 кўкрак умуртқалари пешоб тизимининг тўғри ишлаши учун жавобгардир. Бу соҳада биринчи марта оғриқ бўлганда, одам мушакни тортиб олганми ёки буйрак оғрияптими, мустақил равишда аниқлай олмайди. Ҳар ҳолда пастки кўкрак соҳасидаги оғриқлар урологга бориш учун сабабдир.
- Белнинг юқори қисми йўғон ичак билан боғланган. Масалан, одатий бел оғриғи ичак дисбиёзини даволашдан кейин ўтиб кетиши мумкин. Бу ўлчов тескари йўналишда ҳам ишлайди: умуртқа поғонасини яхшилаш учун машқларни бошлаганингиздан сўнг мунтазам қорин оғриғи кетиш эҳтимоли бор.
- Бел умуртқасининг пастки қисми — репродуктив аъзолардан келадиган сигналлар учун жавобгар. Бу органларнинг турли хил яллиғланиш касалликлари белнинг пастки қисмида ноқулайлик ҳиссини бериши мумкин.
Хитойча анатомия
Хитойлик шифокорлар умуртқа поғонаси ва ички органлар ўртасидаги боғлиқликни рентген нурлари ихтиро қилинишидан бир неча минг йиллар олдин аниқлаган. Акупунктур назариясига кўра, ҳар бир органга таъсир қилиш учун умуртқа поғонаси ёнида жойлашган нуқта мавжуд. Агар унда оғриқ кузатилса, маълум бир касаллик ҳақида гапириш мумкин ва уни даволаш учун бу нуқта фаоллаштирилиши керак: масалан, игна ёки массаж ёрдамида. Умуртқа ва ички органлар ўртасидаги ўзаро алоқа ҳақидаги анатомик ғоялар асосан сегментар иннервациянинг замонавий харитасига мос келади.
Бундан ташқари, қадимги Хитой олимлари бизнинг ҳиссий сезгиларимиз тана орқали амалга оширилади, деган хулосага келган. Улар ҳис-туйғуларни тизимлаштирдилар ва қайси турдаги хавотирлар маълум бир органни ишдан чиқаришини аниқладилар.
- 3 кўкрак умуртқаси — ўпканинг фаолияти билан боғлиқ. Бу ерда тўпланаган ва нафас олишни бузадиган туйғу — қайғу.
- 4-5 кўкрак умуртқалари — юрак билан бевосита боғлиқ бўлиб, унинг асосий душмани ғазаб ва жаҳлдорликдир.
- 9-10 кўкрак умуртқалари жигар ва ўт пуфаги билан боғланган. Бу органлар агрессия ва аччиқланиш билан ҳалокатга юз тутади.
- 11 кўкрак умуртқаси — талоқ. Бу орган одамнинг узоқ вақт давомида бир хил фикрда бўлиши, уни хаёлдан чиқазиб юбормаслиги, муваффақиятсизликларини қайта-қайта бошдан кечиришга интилишидан кўп азият чекади.
- 2-бел умуртқаси буйраклар иши билан боғлиқ. Ушбу органнинг саломатлигига қўрқув энг кўп таъсир қилади.
Шарқона массажнинг жуда оддий технологияси мавжуд бўлиб, ҳар бир киши уй шароитида уни ўзлаштира олади, яқинларига куч ва соғлигини тиклашга ёрдам беради. Юқорида тавсифланган нуқталар икки бармоқ масофасида кўрсатилган умуртқа қаршисида жойлашган. Ва улардан яна икки бармоқ масофасида Хитой анъаналарига кўра, бу органларда тўпланган ҳалокатли ҳис-туйғулар учун масъул бўлган нуқталар мавжуд. Шу тариқа бармоқ учлари билан умуртқа поғонаси бўйлаб массаж қилиш орқали сиз бутун тананинг фаолиятини яхшилашингиз мумкин. Массаж ҳаракатлари юмшоқ бўлиши керак: бармоқларингизни умуртқа поғонаси бўйлаб юқоридан пастга силжитинг.
Массаж пайтида оғриқ бўлмаслиги керак: агар у ёки бу нуқта оғриқли бўлса, унга янада босим ўтказманг, аксинча, босимни енгиллаштиринг.
Албатта, массаж натижасида у ёки бу ўткир касаллик йўқолади ёки, айтайлик, цирроз билан касалланган жигар тикланади, деб умид қилиб бўлмайди. Кўп йиллар давомида ҳосил бўлган касалликлар учун янада кучли даволаш технологиялари мавжуд. Аммо ички органлар касалликларининг олдини олиш ва организмнинг умумий даволаниши учун бундай массаж осон ва самарали воситадир. Умуртқа поғонаси ва органларга таъсир қилишдан ташқари, асаб тизимига ҳам ижобий натижа кўрсатади, шунинг учун яхши бажарилган массаждан сўнг сиз барча ташвишлардан икки ҳафталик таътил ҳиссини оласиз.
Изоҳ (0)