Дубай – Бирлашган Араб Амирликларидаги кишини ҳайратга солувчи мегаполис, у оилавий дам олиш учун идеал жой. Бу шаҳар бутун оила учун ақлни шоширувчи мавзули парклар ва аквариумлардан тортиб, то ўзига мафтун этувчи боғлар ҳамда маданий тадбирларгача унутилмас лаҳзаларни инъом этади.
Dubai Мираcле Garden – дунёдаги энг катта табиий гуллар боғи. Бу ерда улкан юраклар шаклидаги безаклардан тортиб, то самолётларнинг моделларигача – ҳаммаси гуллардан яратилган. Болаларга Смурфиклар қишлоғида сайр қилиш ва гуллардан ясалган Disney қасрига чиқиш ёқиб қолиши шубҳасиз, катталар эса гуллардан иборат композициялар фонида кўплаб оилавий фотосуратларни олиши мумкин. Жорий мавсумда парк янада қизиқарлироқ тус олган – бу ерда мини-голф учун майдон очилган.
Ботаника боғи ҳудудида яна бир диққатга сазовор маскан жойлашган – бу Dubai Butterфлй Garden капалаклар боғи, унда капалакларнинг 50 дан ортиқ турлари яшайди.
Dubai Малл савдо марказининг қоқ марказида жойлашган Dubai Aquaриум & Ундерwатер Зоо аквариуми – Дубайдаги энг оммабоп жойлардан бири.
Аквариумнинг 48 метрлик шаффоф туннели орқали ўтар экансиз, денгиз жониворлари – акулалар, скатлар ва кўп сонли балиқларнинг ҳаётига шўнғийсиз. Аквариумда 33 мингта денгиз ҳайвони яшайди, денгиз ҳайвонот боғида эса пингвинлар, тимсоҳлар, денгиз отлари ва бошқа жониворларни кўриш мумкин.
Болалар учун махсус дастурлар ва ўйин зоналари кўзда тутилган. Улар балиқларга емиш ташлаши, денгиз юлдузларини ушлаб кўриши, акулалар билан бирга сузиши мумкин. Кун давомида аквариумда турли шоу ва томошалар ўтказилади.
IMG Worldс оф Адвентуре – Дубайдаги энг катта мавзули ёпиқ аттракционлар парки ва бутун оила хурсандчилик билан ҳордиқ чиқариши учун идеал маскан. Парк олтита зонага бўлинган, унда кўплаб қизиқарли Америка “тоғлари” ҳамда Cartoon Networkънинг машҳур қаҳрамонлари, Marvel суперқаҳрамонлари ва динозаврларга асосланган аттракционлар мавжуд.
Кичик ёшдаги болалар учун паркда алоҳида зона яратилган – бу улкан дам бериладиган IMG Kids Zone ўйин майдони.
Kite Beach бепул шаҳар пляжи идеал соҳил чизиғига, тоза сувга ва барча ёшдаги меҳмонлар учун кўплаб кўнгилочарликларга эга Дубайдаги энг оммабоп пляжлардан бири ҳисобланади. Ките беач – кайцёрфинг ишқибозларининг Маккаси бўлиб, пляжда яна виндсёрфинг, сапсёрфинг билан шуғулланиш ёки шунчаки сузиш ёки тобланиш мумкин.
Бу ерда денгизни томоша қилган ҳолда тамадди қилиб олиш ёки кечқурун овқатланиш мумкин бўлган кўплаб қаҳвахона ва ресторанлар бор. Болалар учун ўйин майдончалари жиҳозланган.
Дунёдаги энг баланд бино Бурж-Ҳалифа этагида жойлашган The Dubai Fountain мусиқий фаввораси Дубайнинг асосий диққатга сазовор жойларидан бири ҳисобланади. Бу ерда машҳур композиторларнинг мусиқаси жўрлигидаги сув ва чироқлар рақси ҳеч кимни лоқайд қолдирмайди.
Шоу соат 13:00 дан 13:30 гача (жума кунлари соат 13:30 дан 14:00 гача) ҳамда 18:00 дан бошлаб 23:00 гача ҳар ярим соатда ўтказилади. Фаввора олдидаги майдонга қулай жойни эгаллаш учун сал олдинроқ келган маъқул.
Шоуни анъанавий араб қайиғи – абрага чипта сотиб олган ҳолда сувдан туриб ҳам томоша қилиш мумкин. Фавворага, Бурж Кҳалифа минорасига қараган энг яхши манзара ва энг ёрқин таассуротлар бир умр эсингизда қолади.
The Dubai Fountain фаввораси бевосита Dubai Малл савдо марказининг ёнида жойлашган. Фавворалар шоусини шопинг қилган ҳолда ва моллдаги бошқа диққатга сазовор жойларни кўрган ҳолда бир вақтнинг ўзида томоша қилиш мумкин.
The Green Planet – бу Дубайнинг қоқ юрагида жойлашган ноёб ёпиқ тропик ўрмон. У бутун бир олам бўлиб, бу ерда сиз турли-туман тропик фауна ва флора турлари билан танишишингиз ва, ҳатто, тропик жала ёмғирини ҳам кўришингиз мумкин.
Мажмуанинг марказий элементи – баландлиги 25 метр бўлган улкан сунъий дарахт, у минглаб ўсимликлар ва ҳайвонлар учун бошпана вазифасини бажаради. Green Planet 3000 дан ортиқ ҳайвон турлари, жумладан қушлар, рептилиялар, ҳашоратлар ва маймунлар, ленивецлар ва лемурлар учун уй ҳисобланади.
Болалар ва катталар учун турли таълим дастурлари ўтказилади, уларда сиз тропик ўрмонлар ва уларда яшайдиган ҳайвонлар ҳақида кўплаб қизиқарли маълумотларни билиб олишингиз мумкин.
Aquaventure Waterpark – дунёдаги энг катта аквапарк бўлиб, бу ерда оилангизнинг ҳар бир аъзоси ўзига ёқадиган кўнгилхушликни топади. Аквапаркда 105 дан ортиқ “тоғлар” ва аттракционлар (шу жумладан дунёдаги энг экстремал Leap of Faith аттракциони ҳам), “эринчоқ” дарёчалар, кичкинтойлар ва каттароқ ёшдаги болалар учун алоҳида зоналар мавжуд. Шунингдек, аквапаркда акулалар билан бирга сузиш, денгиз ҳайвонларини томоша қилиш ва ҳатто сёрфинг қилишни ўрганиш ҳам мумкин. Ушбу ҳудудда жиҳозланган катта пляж ҳамда қаҳвахона ва фуд-траклар ҳам фаолият кўрсатади.
Dubai Parks анд Resorts – Дубайдаги улкан кўнгилочар мажмуа, у бир нечта мавзули паркни, аквапаркни, меҳмонхоналар ва кўплаб ресторанларни ўзида бирлаштирган.
Мотионгате аттракционлар парки Голливудга бағишланган. Бу ерда сиз DreamWorks мультфильмларининг қаҳрамонларини учратасиз, Sony Pictures киностудиясига ташриф буюрасиз ва Готем-ситига тушиб қоласиз.
LEGOLAND аттракционлар парки ва LEGOLAND Waterпарк аквапарки – бу нафақат кўплаб “тоғлар” ва аттракционларга ташриф буюриш, балки дунёдаги энг машҳур конструктор ёрдамида ўз шаклларингизни қуриш имконияти ҳамдир.
Real Madrid World – футбол мавзусига бағишланган дунёдаги биринчи парк. У сизни машҳур футбол клубининг тарихига олиб киради, бу ерда кўплаб мавзули интерфаол аттракционлар ҳам мавжуд. Хусусан, ҳудуддаги илк Ҳала Мадрид ёғоч Америка “тоғларида” учишингиз ёки баландлиги 140 метр бўлган дунёдаги энг баланд Stars Flyэр аттракционини забт этишингиз мумкин.
Тарихий Al Fahidi Historical District мавзеси – бу эски Дубайнинг юраги. Бу ерда араб архитектураси ва аъанавий турмуш тарзи муҳитига тушиб қоласиз. Маржон тошларидан қурилган бинолар оралаб сайр қилишингиз, Dubai Мусеум ва Қаҳва музейига ташриф буюришингиз, маҳаллий дўкончаларга кириб, эсдалик сувенирларини харид қилишингиз мумкин. Шунингдек, эски шаҳарни томоша қилган ҳолда маҳаллий ўзига хос қаҳвахонада ёки ресторанда қаҳва ичишингиз ёки кечки овқатни тановул қилишингиз ҳам мумкин. Агар сайрдан таассуротларни кучайтиришни истасангиз, анъанавий араб қайиғи – абрада Dubai Cреек канали бўйлаб айланинг.
Museum of the Future музейи Дубайнинг янги, бироқ мамлакатда ва дунёда таниқли бўлишга улгурган диққатга сазовор жойларидан бири ҳисобланади.
Музей биноси – ҳақиқий архитектура дурдонаси. Бинонинг олд қисми араб ёзувлари билан қопланган бўлиб, у тунда ёритилади ва ғаройиб визуал самарани ҳосил қилади. Музей ичида сизни келажакка назар кутади, яъни янги технологиялар, кашфиётлар ва уларнинг келажак ҳаётга таъсири. Музей экспозицияси катталарга ҳам, болаларга ҳам қизиқарли бўлиши аниқ, кичкинтойлар учун эса музейда алоҳида интерфаол зона мавжуд бўлиб, бу ерда улар ёруғлик билан ўйнашлари ва эпчилликни машқ қилишлари мумкин.
Dubai Shopping Фестивал (ДСФ) — бу 2024 йилнинг 6 декабридан 2025 йилнинг 12 январигача ўтказиладиган анъанавий шопинг байрами. Бу йил у ўзининг 30 йиллик юбилейини нишонлайди. Бутун шаҳар бўйлаб жойлашган савдо марказларида ва дўконларда фестивал меҳмонларини ҳайратланарли чегирмалар ва акциялар, қимматбаҳо совринлар ва бутун оила учун мўлжалланган кўнгилочар ўйинларга бой дастур кутади.
Дубай — оилавий дам олиш учун идеал шаҳар, бу ерда ҳар бир киши ўзига ёқадиган ҳордиқ турини топиши шубҳасиз. Дунё даражасидаги манзарали парклар, тропик оранжереялар, аквапарклар ва музейлар бу ерда ўтказган ҳар бир кунингизни кашфиётлар ва ёрқин таассуротлар билан тўлдиради. Ушбу мўжизалар шаҳри сизга илиқ хотираларни ва унутилмас дамларни ҳадя қилади.
Компания сайти Visit Dubai: visitdubai.com/ru/
Реклама ҳуқуқи асосида.
Изоҳ (0)