“Ливерпуль” 24 ёшли “Реал” вингери Родриго билан қизиқмоқда. Бу ҳақда El Nacional хабар бермоқда.
Манбага кўра, Родриго бош мураббий Арне Slot учун Муҳаммад Салоҳга идеал ўринбосар бўлиши мумкин. Унинг тезлиги, дриблинги ва самарадорлиги мураббий “Энфилд”да жорий этишга интилаётган ўйин услубига жуда мос келади. Ёшлиги ва ривожланиш салоҳияти эса уни инглиз клуби учун узоқ муддатли стратегик инвестиция сифатида кўрсатмоқда.
Муҳаммад Салоҳнинг шартномаси ёзда якунланади, ва мисрлик футболчи яқинда клуб у билан шартномани узайтириш бўйича музокаралар олиб бормаётганини маълум қилди. Хабарларга кўра, бразилиялик футболчи “Ливерпуль”нинг келаси ёзги трансфер ойнасидаги устувор мақсадларидан бири бўлади.
Жорий мавсумда Родриго 21 ўйинда майдонга тушиб, 5 та гол урди ва 4 та голли узатма амалга оширди.
Transfermarkt портали “қироллик клуби” футболчисининг бозор қийматини 100 миллион евро этиб белгилаган.
Изоҳ (0)