Футбол бўйича Англия Премьер Лигасининг 8-туридан ўрин олган ўйинлар 20 октябрь, якшанба куни бўлиб ўтди.
Турнинг марказий ўйинида “Ливерпуль” “Челси”га қарши баҳс олиб борди. Учрашувнинг 29-дақиқасида Муҳаммад Салоҳ пенальтидан унумли фойдаланиб, ҳисобни очди. Биринчи бўлим шу ҳисоб билан якунланди.
Иккинчи бўлим бошида эса “Челси” ҳисобни тенглаштирди. Николас Жексон лондонликлар сафида гол муаллифига айланди. Орадан 3 дақиқа ўтиб, мерсисайдликлар аъзоси Жонс ҳисобни ўзгартирди.
Қолган дақиқаларда дарвозалар ишғол этилмади ва “Ливерпуль” кичик ҳисобдаги ғалабани расмийлаштирди.
“Манчестер Сити” сафарда “Вулверҳэмптон” меҳмони бўлди ва 2:1 ҳисобида зафар қучди. “Шаҳарликлар” сафида Йошко Гвардиол ҳамда Жон Стоунз гол урган бўлса, “бўрилар” таркибида Ларсен ягона гол муаллифига айланди.
АПЛ
7-тур
20 октябрь, якшанба
“Ливерпуль” — “Челси” 2:1
Голлар: 1:0 – 29 Салоҳ (пенальти), 1:1 – 48 Жексон, 2:1 – 51 Жонс.
“Ливерпуль”: Келлеҳер, Робертсон, ван Дейк, Конате, Александер-Арнольд (Гомес, 81), Жонс (Мак Аллистер, 81), Гравенберх, Гакпо (Диас, 66), Собослаи, Салоҳ, Диогу Жота (Нуньес, 30).
“Челси”: Санчес, Гюсто, Колуилл, Адарабиоё (Бадяшил, 53), Жеймс (Вейга, 53), Лавия (Фернандес, 53), Кайседо, Палмер, Санчо (Нету, 46), Мадуэке (Нкунку, 76), Жексон.
Огоҳлантиришлар: Адарабиоё (6), Слот (26), Жексон (28), Собослаи (45+8), Нуньес (69), Вейга (78), Конате (80).
“Вулверҳэмптон” — “Манчестер Сити” 1:2
Голлар: 1:0 – 7 Ларсен, 1:1 – 33 Гвардиол, 1:2 – 90+5 Стоунз.
“Вулверҳэмптон”: Жозе Са, Гомеш, Доусон, Буэно, Аит-Нури, Семеду, Лемина, Андре (Дойл, 46), Гомес (Беллгард, 90), Матеус Куня (Боржеш, 67), Ларсен (Гедеш, 80).
“Манчестер Сити”: Эдерсон, Гвардиол, Рубен Диаш, Стоунз, Льюис, Ковачич (Матеуш Нунеш, 86), Бернарду Сильва, Гундоган, Доку (Фоден, 66), Савио (Грилиш, 73), Ҳоланд.
Огоҳлантиришлар: Гомеш (14), Семеду (20), Савио (39), Гомес (63), Сарабия (90+8).
Изоҳ (0)