“Ливерпуль” ҳужумчиси Муҳаммад Салоҳ Англия Премьер Лигаси тарихидаги энг яхши ассистентлар рўйхатида 10-ўринга кўтарилди.
29 декабрь, якшанба куни, АПЛнинг 19-турида “Ливерпуль” “Вест Ҳэм”ни 5:0 ҳисобида мағлуб этди. Ушбу ўйинда Салоҳ ўзининг 81 ва 82-голли узатмаларини амалга оширди ва Бекҳэмни ортда қолдирди (80).
Ҳозирда голли узатмаларни амалга ошириш бўйича, “Манчестер Юнаййтед”нинг собиқ футболчиси Гиггз рўйхатда етакчилик қилмоқда.
АПЛ тарихидаги энг яхши ассистентлар рўйхати:
- Райан Гиггз — 162 узатма.
- Кевин Де Брюйне — 114 узатма.
- Сеск Фабрегас — 111 узатма.
- Уэйн Руни — 103 узатма.
- Фрэнк Лэмпард — 102 узатма.
- Дэннис Бергкамп — 94 узатма.
- Давид Сильва — 93 узатма.
- Стивен Жеррард — 92 узатма.
- Жеймс Милнер — 89 узатма.
- Муҳаммад Салоҳ — 82 узатма.
Жорий мавсумда Салоҳ барча турнирлар доирасида клуб учун 26 та ўйинда майдонга тушиб, 20 та гол ва 17 та голли узатмага муаллифлик қилган. Футболчининг клуб билан амалдаги шартномаси 2025 йилнинг ёзигача мўлжалланган. Transfermarkt порталига кўра, 32 ёшли футболчининг бозор қиймати 55 миллион еврони ташкил қилади.
Аввалроқ клуб мисрлик футболчи билан 2027 йилгача бўлган янги шартнома бўйича музокаралар олиб бораётгани ҳақида хабар қилинганди.
Тўпурар футболчига Саудия Арабистонидан қизиқишлар бўлмоқда.
Изоҳ (0)