Футбол бўйича Европа Чемпионлар Лигасининг 1-туридан ўрин олган қатор учрашувлар 15 сентябрь, чоршанба куни бўлиб ўтди.
«Реал» «Интер» майдонига сафар қилди. Ўйиннинг асосий қисмида дарвозаларга гол урилмади. Фақатгина 89-дақиқага келиб, Родриго «Реал»нинг комбинациясини голга айлантириб, жамоасига ғалаба келтирди.
«ПСЖ» ҳам мусобақани сафарда бошлади. Парижликлар «Брюгге» майдонида меҳмон бўлди ва 1:1 ҳисобидаги дурангга имзо чекди. Меҳмонлар сафида Андер Эррер ўз номига гол ёздириб қўйган бўлса, Ҳанс Ванакен Бельгия клубини мағлубиятдан қутқариб қолди.
«Манчестер Сити» умумий ҳисобда 9 та гол урилган ўйинда «Лейпциг»ни таслим қилди. «Шаҳарликлар»нинг голларига Натан Аке, Рияд Маҳрез, Жек Грилиш, Жоау Канселу ва Габриэль Жезус муаллифлик қилди, яна бир вазиятда Норди Мукиеле ўз дарвозасига гол уриб қўйди. Кристофер Нкунку эса немис клубининг барча жавоб голларини уриб, ҳет-трик қайд этди.
«Ливерпуль» узоқ танаффусдан сўнг Чемпионлар Лигасига қайтган «Милан»ни ўз майдонида қабул қилиб, базўр ғалаба қозонди. Дастлаб ўйин аввалида Фикайо Томори ўз дарвозасига гол уриб, ҳисоб очилишига сабаб бўлди, шундан сўнг миланликлар Анте Ребич ва Браим Диаснинг голлари эвазига устунликка эга бўлганди. Бироқ иккинчи бўлимда «Ливерпуль» Муҳаммад Салоҳ ва Жордан Ҳендерсоннинг голлари орқали ғалабани ўз томонига оғдириб олди.
ЕЧЛ
1-тур баҳслари
15 сентябрь, чоршанба
«Интер» – «Реал М» 0:1
Гол: 0:1 – 89 Родриго.«Интер» – Ҳанданович, Шкриньяр, де Врей, Бастони, Дармиан (Думфрис, 55), Барелла (Весино, 84), Брозович, Чалхонўғлу (Видаль, 65), Перишич (Димарко, 55), Жеко, Мартинес (Корреа, 65).
«Реал Мадрид» – Куртуа, Карвахаль, Милитао, Алаба, Начо, Вальверде, Каземиро, Модрич (Камавинга, 80), Бензема, Винисиус Жуниор (Асенсио, 90), Васкес (Родриго, 65).
Огоҳлантиришлар: Мартинес (45), Алаба (60).
«Брюгге» – «ПСЖ» 1:1
Голлар: 0:1 – 15 Эррера, 1:1 – 27 Ванакен.«Брюгге» – Миньоле, Мата, Ҳендри, Нсоки, Собол, Соуа (Мауасса, 90), Риц, Баланта, Ванакен, Ланг, де Кетеларе.
«ПСЖ» – Навас, Ҳакими, Маркиньос, Кимпембе, Диалло (Мендеш, 75), Эррера, Паредес (Данилу Перейра, 46), Вейналдум (Дракслер, 46), Месси, Мбаппе (Икарди, 51), Неймар.
Огоҳлантиришлар: Паредес (12), Ланг (62), Месси (72), Баланта (76).
«Манчестер Сити» – «Лейпциг» 6:3
Голлар: 1:0 – 16 Аке, 2:0 – 28, автогол Мукиеле, 2:1 – 42 Нкунку, 3:1 – 45, пенальти Марез, 3:2 – 51 Нкунку, 4:2 – 56 Грилиш, 4:3 – 73 Нкунку, 5:3 – 75 Жоау Канселу, 6:3 – 85 Габриэль Жезус.«Манчестер Сити» – Эдерсон, Жоау Канселу, Рубен Диаш, Аке, Зинченко, де Брюйне (Фоден, 71), Родри (Фернандиньо, 59), Бернарду Сильва (Гундўған, 59), Марез, Ферран Торрес (Стерлинг, 72), Грилиш (Габриэль Жезус, 81).
«Лейпциг» – Гулачи, Мукиеле, Клостерманн, Орбан, Анхелинё, Нкунку (Гвардиол, 81), Олмо (Бробби, 72), Форсберг (Собослаи, 61), Адамс, Лаймер (Айдара, 60), Андре Сильва (Поульсен, 60).
Огоҳлантиришлар: Зинченко (12), Клостерманн (45), Адамс (49), Анхелинё (58).
Четлатиш: Анхелинё (79).
«Ливерпуль» – «Милан» 3:2
Голлар: 1:0 – 9, автогол Томори, 1:1 – 42 Ребич, 1:2 – 44 Браим Диас, 2:2 – 48 Салоҳ, 3:2 – 69 Ҳендерсон.«Ливерпуль» – Алиссон, Александер-Арнольд, Матип, Гомес, Робертсон, Ҳендерсон (Милнер, 84), Фабиньо, Кейта (Тиаго Алькантара, 71), Салоҳ (Окслейд-Чемберлен, 84), Ориги (Мане, 63), Диогу Жота (Жонс, 71).
«Милан» – Меньян, Калабрия, Кьер, Томори, Эрнандес, Браим Диас, Рафаэл Леау (Жиру, 62), Салемакерс (Флоренци, 62), Беннасер (Тонали, 71), Кессиэ, Ребич (Мальдини, 83).
Огоҳлантиришлар: Беннасер (13), Браим Диас (61), Милнер (90).
Изоҳ (0)