Дунё ва ўзбек спортига оид 15 октябрь кунининг энг муҳим хабарлари дайжести билан танишинг.
Ўзбекистон
Суперлиганинг 22-турига старт берилди
Тур доирасида «ОКМК» ўз майдонида «Машъал»ни қабул қилди ва 3:2 ҳисобида ғалаба қозонди. «Насаф» Қаршида Умар Эшмуродовнинг ягона голи эвазига зафар қучди.
Турнинг қолган ўйинлари 16—17 октябрь кунлари бўлиб ўтади.
Самбочи ёшлар Жаҳон чемпионатида 7 та медал қўлга киритди
Грециянинг Салоники шаҳрида 15 октябрь куни самбо бўйича ёшлар ва ўсмирлар ўртасида Жаҳон чемпионатига старт берилди.
Мусобақанинг дастлабки кунги беллашувларида жами 7 нафар ўзбекистонлик спортчи ғолиблик учун гиламга чиқди ва якунда уларнинг барчаси шоҳсупага кўтарилди. Ўсмирлардан Эгамберган Искандаров (-53 кг) ҳамда Гулҳаё Жўраева (-50 кг) олтин медалга сазовор бўлди. Эъзоза Абдумўминова эса (-47 кг) вазн тоифасида кумуш медал соҳибасига айланди.
Яна тўрт нафар самбочи эса бронза медалига эга чиқди. Булар:
-64 кг: Беҳруз Омонов (ўсмирлар),
-54 кг: Шахзода Азатова (қизлар),
-98 кг: Мурод Эркинов (ёшлар),
+98 кг: Дилрух Аслиддинов (ёшлар).
Жаҳон
Голден Бой—2021 совринига даъвогарларнинг 20 талик рўйхати эълон қилиндиТуттоспорт нашри Европанинг 21 ёшгача бўлган энг яхши футболчисига бериладиган Golden Boy соврини учун якуний рўйхатни эълон қилди.
Совринга 20 нафар футболчи даъвогарлик қилмоқда:
Эдуарду Камавинга («Реал»);
Букайо Сака («Арсенал»);
Жуд Беллингҳем («Боруссия Д»);
Мэйсон Гринвуд («Ман Юнайтед»);
Жамал Мусиала («Бавария»);
Жованни Рейна («Боруссия Д»);
Гави («Барселона»);
Брайан Ҳил («Тоттенҳэм »);
Карим Давид Адееми («Зальцбург»);
Райан Гравенберх («Аякс»);
Даниэль Мальдини («Милан»);
Флориан Вирс («Байер»);
Вильям Салиба («Марсель»);
Родриго («Реал»);
Роберто Пикколи («Аталанта»);
Педри («Барселона»);
Нуну Мендеш («ПСЖ»);
Ереми Хесус Пино («Вильярреал»);
Юрриен Тимбер («Аякс»);
Шарл Де Кетеларе («Брюгге»).
«Ливерпуль» ҳужумчиси Муҳаммад Салоҳ кетма-кет иккинчи марта жамоанинг ойдаги энг яхши ўйинчиси деб топилди.
29 ёшли мисрлик футболчи клуб мухлислари ўртасида ўтказилган сўровномада сентябрь ойи якунларига кўра энг яхши футболчи деб топилган. Салоҳ ўтган ойдаги 5 та ўйинда 6 та гол урган.
Қайд этиш керак, Муҳаммад августда ҳам энг яхши ўйинчи деб топилганди.
Мбаппе «ПСЖ»дан кетади ва «Реал»га ўтади
«ПСЖ» ҳужумчиси Килиан Мбапппе Париж клуби унга ҳар қанча юқори маош таклиф қилмасин, шартномасини узайтирмайди. Бу ҳақда As хабар бермоқда.
Таъкидланишича, Мбаппе аллақачон «Реал»га ўтиш борасида қарор қабул қилиб бўлган ва қанча пул таклиф қилинишидан қатъи назар қарорини ўзгартирмайди.
Аввалроқ парижликлар Килианга йилига 50 миллион евро маошга эга янги шартнома таклиф қилмоқчи экани ҳақидаги хабарлар тарқалганди. Ушбу ҳолатда у дунёнинг энг юқори маош олувчи ўйинчисига айланарди.
«ПСЖ» Ҳоландни Мбаппега ўринбосар сифатида кўрмоқда
«ПСЖ» агар Килиан Мбаппе жамоани тарк этса, унинг ўрнига «Боруссия Д» ҳужумчиси Эрлинг Ҳоландни жамоага олиб келмоқчи, деб ёзмоқда Foot Mercato.
Парижликлар футболчининг агенти Мино Райола билан музокараларни бошлаб юборган. Клуб Ҳоландга «2+1» кўринишидаги шартнома ва бонуслардан ташқари йилига 38—42 миллион евро маош таклиф қилишни режалаштирган.
Шунингдек, 21 ёшли футболчига «Манчестер Сити» ва «Бавария» клублари ҳам жиддий қизиқиш билдирмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)