ЕЧЛ. “Реал” 7 та гол урилган ўйинда “Ливерпуль”ни йирик ҳисобда ютди, “Наполи”да ҳам ғалаба

Футбол бўйича Европа Чемпионлар Лигасининг 1/8 финал дастлабки баҳсларидан ўрин олган икки ўйин 21 февраль, сешанба куни бўлиб ўтди.

“Ливерпуль” ўз майдонида “Реал”ни қабул қилди. Учрашув дебютида Муҳаммад Салоҳнинг узатмасидан кейин Дарвин Нуньес чиройли гол уриб, ҳисобни очди. 14-дақиқада Салоҳ рақиб дарвозабони Тибо Куртуанинг хатосидан унумли фойдаланиб, фарқни оширди.

21-дақиқада Винисиус Жуниор ҳисобни қисқартирган бўлса, 36-дақиқада бразилиялик футболчи ҳамюрти Алиссоннинг хатосидан кейин мувозанатни тиклади.

Иккинчи бўлимнинг иккинчи дақиқасида Эдер Милитао энди мадридликларни олдинга олиб чиқди. 55-дақиқада Карим Бенземанинг зарбасидан кейин тўп рақиб ҳимоячисига тегиб ўз йўналишини ўзгартирди ва дарвозадан жой олди. 67-дақиқада эса Бензема жамоасининг комбинациясини муваффақиятли якунлади. Қолган вақтда ҳисоб ўзгармади.

Яна бир ўйин “Айнтрахт” ва “Наполи” жамоалари ўртасида кечди. Виктор Осимҳен ва Жованни ди Лоренсонинг голлари неаполликларга ғалаба олиб келди.

Мазкур жуфтликлар ўртасидаги жавоб баҳслари 15 март оқшомида ўтказилади.

ЕЧЛ

1/8 финал, дастлабки ўйинлар

21 февраль, сешанба

“Ливерпуль” (Англия) – “Реал Мадрид” (Испания) 2:5

Голлар: 1:0 – 4 Нуньес, 2:0 – 14 Салоҳ, 2:1 – 21 Винисиус Жуниор, 2:2 – 36 Винисиус Жуниор, 2:3 – 47 Милитао, 2:4 – 55 Бензема, 2:5 – 67 Бензема.

“Ливерпуль”: Алиссон, Александер-Арнолд, ван Дейк, Гомес (Матип, 73), Робертсон, Байчетич (Эллиотт, 85), Ҳендерсон (Милнер, 73), Фабиньо, Салоҳ, Гакпо (Фирмино, 64), Нуньес (Диогу Жота, 64).

“Реал Мадрид”: Куртуа, Карвахаль, Рюдигер, Милитао, Алаба (Начо, 27), Кроос, Модрич, Вальверде, Камавинга, Бензема (Асенсио, 87), Винисиус Жуниор, Родриго (Себальос, 81).

Огоҳлантиришлар: Винисиус Жуниор (60), Эллиотт (90+3).

“Айнтрахт Ф” (Германия) – “Наполи” (Италия) 0:2

Голлар: 0:1 – 40 Осимҳен, 0:2 – 65 Ди Лоренцо.

“Айнтрахт Ф”: Trapп, Бута (Knaufф, 69), Якич, Ндика, Тута, Ленс, Макс (Ленс, 90), Гётце (Алиду, 81), Соу, Камада, Линдстрём (Борре, 69), Коло-Муани.

“Наполи”: Мерет, Ди Лоренцо, Рраҳмани, Ким Мин Же, Оliveра, Лоботка, Зелиньски, Замбо-Ангисса (Ндомбеле, 80), Лосано (Элмаз, 80), Осимҳен (Симеоне, 84), Кварацхелия (Политано, 84).

Огоҳлантиришлар: Ким Мин Же (38), Гётце (60), Элмаз (83).

Четлатиш: Коло-Муани (58).