“Liverpul” 24 yoshli “Real” vingeri Rodrigo bilan qiziqmoqda. Bu haqda El Nacional xabar bermoqda.
Manbaga ko‘ra, Rodrigo bosh murabbiy Arne Slot uchun Muhammad Salohga ideal o‘rinbosar bo‘lishi mumkin. Uning tezligi, driblingi va samaradorligi murabbiy “Enfild”da joriy etishga intilayotgan o‘yin uslubiga juda mos keladi. Yoshligi va rivojlanish salohiyati esa uni ingliz klubi uchun uzoq muddatli strategik investitsiya sifatida ko‘rsatmoqda.
Muhammad Salohning shartnomasi yozda yakunlanadi, va misrlik futbolchi yaqinda klub u bilan shartnomani uzaytirish bo‘yicha muzokaralar olib bormayotganini ma’lum qildi. Xabarlarga ko‘ra, braziliyalik futbolchi “Liverpul”ning kelasi yozgi transfer oynasidagi ustuvor maqsadlaridan biri bo‘ladi.
Joriy mavsumda Rodrigo 21 o‘yinda maydonga tushib, 5 ta gol urdi va 4 ta golli uzatma amalga oshirdi.
Transfermarkt portali “qirollik klubi” futbolchisining bozor qiymatini 100 million yevro etib belgilagan.
Izoh (0)