Месси, Беллингҳем ва Роналду. Globe Soccer Awards йилнинг энг яхши футболчиси номига даъвогарлар рўйхатини эълон қилди

Globe Soccer Awards томонидан топшириладиган совринлар учун номзодлар рўйхати маълум бўлди.

2023 йилнинг энг яхши футболчиси бўлиш учун номзодларнинг якуний рўйхати эълон қилинди. 

Соврин учун Жуд Беллингем (“Реал” / Англия), Карим Бензема (“Ал-Иттиҳод” / Франция), Кевин де Брюйне (“Манчестер Сити” / Бельгия), Эрлинг Ҳоланд (“Манчестер Сити” / Норвегия), Килиан Мбаппе (“ПСЖ” / Франция), Лионель Месси (“Интер Майами” / Аргентина), Виктор Осимҳен (“Наполи” / Нигерия), Криштиану Роналду (“Ан-Насср” / Португалия), Муҳаммад Салоҳ (“Ливерпуль”/ Миср), Бернарду Сильва (“Манчестер Сити” / Португалия), Винисиус Жуниор (“Реал” / Бразилия) каби футболчилар кураш олиб боради. 

Соврин 19 январь куни Дубайда топширилади.

Globe Soccer Awards талқинига кўра “Йилнинг энг яхши футболчиси” 2011 йилдан буён аниқланиб келинмоқда. 12 мартадан 6 тасида Роналду ушбу совринга лойиқ кўрилган.