“Ливерпуль” ҳужумчиси Муҳаммад Салоҳ АПЛ тарихида бир учрашувда гол ва голли узатмани энг кўп амалга оширган футболчига айланди. Бу ҳақда Squawka хабар бермоқда.
Манбага кўра, Салоҳ ҳозиргача 37 та ўйинда икки ёки ундан ортиқ самарали ҳаракат қилган (камида битта гол ва битта голли узатма). Аввалроқ бу кўрсаткич бўйича рекорд “Эвертон” ва “Манчестер Юнайтед”нинг собиқ ҳужумчиси Уэйн Рунига тегишли эди. Эътиборлиси, Салоҳ англиялик футболчидан 214 та кам ўйин ўтказди.
Эслатиб ўтамиз, “Ливерпуль” АПЛнинг 14-туридан ўрин олган “Ньюкасл Юнайтед”га қарши учрашувда 3:3 ҳисобида дуранг ўйнади. Салоҳ ушбу учрашувда дубль қайд этди ва бир голга ҳаммуаллифлик қилди.
Жорий мавсумда Салоҳ клуб сафида барча турнирларда 21 ўйин ўтказиб, 15 гол урди ва 12 голга ассистентлик қилди. Мисрлик футболчининг клуб билан шартномаси 2025 йилнинг ёзида якунига этади.
Аввалроқ клуб ва футболчи ўртасида янги шартнома бўйича музокараларда муаммолар бўлаётгани ҳақида хабар берилганди.
Изоҳ (0)