“Ливерпуль” ҳужумчиси Муҳаммад Салоҳ Англия чемпионатида “Манчестер Сити”га қарши ўйиндан сўнг (2:0) клуб билан шартномаси бўйича вазият ҳақида гапирди.
“Ростини айтсам, бу ҳақда мен ҳам ўйлаяпман. Бу “Ливерпуль” сафида “Манчестер Сити”га қарши майдонга тушган сўнгги ўйиним бўлиши мумкин, шунинг учун мен ундан завқ олишни хоҳладим. Атмосфера ажойиб эди ва мен бу ердаги ҳар бир дақиқадан завқланмоқдаман. Умид қиламанки, биз лигада ғалаба қозонамиз ва кейин нима бўлишини кўрамиз”, дея Салоҳ сўзларини келтиради Sky Sports.
Мисрлик футболчининг “Ливерпуль” билан шартномаси 2025 йилгача мўлжалланган. У 2017 йилдан буён клуб сафида ўйнаб келмоқда.
Кеча, 1 декабрь куни бўлиб ўтган “Манчестер Сити”га қарши учрашувда Салоҳ жамоасининг иккинчи голига муаллифлик қилди.
Изоҳ (0)