“Ливерпуль”нинг 32 ёшли мисрлик ҳужумчиси Муҳаммад Салоҳ 2024/2025 йилги мавсум якунида, шартнома муддати тугаши билан мерсисайдликлар сафини тарк этиши мумкин. Бу ҳақда Liverpool Echo хабар бермоқда.
Манбага кўра, “Ньюкасл”нинг 23 ёшли вингери Энтони Гордон “Ливерпуль”да мисрлик футболчининг ўрнини босиши мумкин.
Аввалроқ ОАВда футболчи фаолиятини Саудия Арабистонида давом эттириши мумкинлиги ҳақида маълумотлар пайдо бўлганди.
Муҳаммад Салоҳ 2017 йилнинг ёзида инглиз клубига ўтган эди. Бу даврда у барча турнирларда 350 та учрашувда қатнашиб, 212 та гол ва 90 та голли узатмани амалга оширган.
АПЛнинг биринчи турида “Ипсвич”га қарши ўйнаган Муҳаммад Салоҳ битта гол ва бир голли узатмани амалга ошириб, жамоаси ғалабасига ҳисса қўшди.
Transfermarkt порталида берилган маълумотларга кўра, футболчининг бозор қиймати 55 миллион еврони ташкил қилади.
Изоҳ (0)