Футбол бўйича Европа Чемпионлар Лигасининг 1/4 финал жавоб баҳсидан ўрин олган навбатдаги икки ўйин 14 апрель, чоршанба куни бўлиб ўтди.
«Реал» «Ливерпуль» меҳмони бўлди. Учрашувда дарвозалар дахлсиз қолди. Ушбу ўйин дуранг билан якунланган бўлса ҳам, Мадрид клуби дастлабки баҳсдаги ғалабаси туфайли кейинги босқич йўлланмасига эга чиқди.
«Манчестер Сити» «Боруссия Д» майдонига сафар қилди ва 2:1 ҳисобидаги ғалабани тантана қилди. «Шаҳарликлар»нинг голларига Риёд Маҳрез ва Филип Фоден муаллифлик қилган бўлса, мезбонлар сафида Жуд Беллингҳем ўз ҳисобига гол ёздириб қўйди.
Шу тариқа Чемпионлар Лигаси 1/2 финал босқичига йўл олган барча жамоалар номи маълум бўлди. Улар қуйидагича: «Челси», ПСЖ, «Манчестер Сити» ва «Реал». Ярим финалда «Реал» «Челси» билан баҳсга киришса, Пеп Гвардиола бошчилигидаги «Манчестер Сити» ПСЖга қарши майдонга чиқади.
Чемпионлар Лигаси
1/4 финал, жавоб баҳслари
«Ливерпуль» Англия — «Реал Мадрид» Испания 0:0
«Ливерпуль»: Алиссон, Кабак (Диогу Жота, 60), Робертсон, Филлипс, Александер-Арнольд, Фабиньо, Милнер (Тиаго Алькантара, 60), Мане (Окслейд-Чемберлен, 82), Вейналдум, Салоҳ, Фирмино (Шакири, 82).«Реал Мадрид»: Куртуа, Начо, Менди, Милитао, Вальверде, Кроос (Одриосола, 72), Каземиро, Винисиус Жуниор (Родриго, 72), Модрич, Асенсио (Иско, 82), Бензема.
Огоҳлантиришлар: Каземиро (25), Робертсон (25), Филлипс (59).
Биринчи ўйин — 1:3.
«Боруссия Д» Германия — «Манчестер Сити» Англия 1:2
Голлар: 1:0 – 15 Беллингҳем, 1:1 – 55, пенальти Маҳрез, 1:2 – 75 Фоден.«Боруссия Д»: Ҳиц, Морей (Тиггес, 81), Аканжи, Ҳуммелс, Геррейру, Дауд (Азар, 76), Беллингҳем (Брандт, 81), Кнауфф (Рейна, 68), Жан, Ройс, Ҳоланд.
«Манчестер Сити»: Эдерсон, Стоунз, Уокер, Рубен Диаш, Зинченко, Фоден, де Брюйне, Бернарду Сильва, Родри, Марез (Стерлинг, 88), Гундоған.
Огоҳлантириш: Беллингҳем (39).
Биринчи ўйин — 1:2.
Изоҳ (0)