Қуйида турли мамлакатларнинг анъанавий тўй либосларини кўриб кўзларингиз ранг-барангликдан чақнаб кетади.
Бутан Қироллиги
Кира — Бутан Қироллигида келиннинг анъанавий тўй либоси ҳисобланади. Бу тўпиққаcаҳ тушиб турадиган тўртбурчаклар кўйлакдир. Кира устидан узун енгли калта ёпинчиқ — тегу кийилади. 2011 йилда Бутан қироличаси айнан шундай кийинган.
Япония
Япониялик келинлар бир неча қават кимоно кияди. Ичидан кийиладиган либос оддий пахта ёки ипак кийим бўлиб, асосий кимонони танадан ажратиб туради. Кимонони ювиш жуда қимматга тушгани учун ички кийим сифатида нагажубан кийилади. Тўй либосининг ташқи қатлами энг ҳашаматлиси ҳисобланади. Бу ранг-баранг учикаке ёки оппоқ сиромуку бўлади. Иккаласи ҳам бир пайтлар самурай аёллари кийган кимонодан келиб чиққан, ягона фарқ шундаки, сиромуку оқ нақшли оппоқ матодан бўлиши мумкин.
Марокаш
Марокашда келин ранги, нақшлари, дизайни ва турли безаклари билан ажралиб турадиган 7 турдаги анъанавий тўй либосларидан бирини танлаш имкониятига эга.
Покистон
Покистонда тўй турли кийимларда нишонланади. Одатда кийимнинг услуби ва дизайни турли этник жамоалар орасида мамлакат минтақасига қараб фарқ қилади. Баъзи жойларда келинлар леҳенга — қизил, тўқ қизил ёки пушти рангдаги турли хил безаклар билан безатилган полгача тушиб турадиган юбка кияди. Келинлар бурунларига сирға тақишлари шарт, бу маросимнинг муҳим атрибути ҳисобланади. Аммо узукнинг ўлчами келиннинг, аниқроғи унинг оиласининг молиявий аҳволига боғлиқ.
Гана
Ганалик келинлар тўй маросимига ҳар бири ўзига хос маънога эга нақшли анъанавий ранг-баранг матодан қўлда тайёрланган ёрқин рангли тўй либосларини кийишади. Одатда миллий тўй бош кийими ҳам кийилади. Олтин тақинчоқлар ва ранг-баранг мунчоқлар ҳам келиннинг аксессуарларига киради, улар қабилага қараб фарқ қилиши мумкин.
Шри-Ланка
Келиннинг тўй сариси кўпинча олтин ёки кумуш иплар, марваридлар, тошлар, мунчоқлар ва бисерлар билан безатилади. Бош кийимнинг мажбурий атрибути — налалпата бўлиши шарт. Бош кийим қадимда қирол ва сарой а’ёнлари томонидан кийилган, у заргарлик буюмлари ёки олтин тасма билан безатилади.
Бангладеш
Бенгал келиннинг қиёфаси анъанавий нақшли ёрқин қизил кўйлак банорас билан белгиланади. Бош кийим сифатида келин либосининг ажралмас қисми бўлган безак — тикли кийилади. Бу сочларга ўралган нозик занжирдаги маржон. Билакларга жуда чиройли заргарлик буюми — ротон-чур тақилади. Бу занжир билан бир-бирига боғланган ва билагузукка айланадиган ҳалқалар тўплами ҳисобланади.
Польша
Тўйни анъанавий костюмда нишонлашга қарор қилган польшалик келинлар одатда мунчоқ билан безалган каштали оқ юбка ва блузка кияди. Блузка устида баъзан жилетга ўхшаш либос кийишади, лекин у оқ фонда ажралиб туриши учун ёрқинроқ рангда бўлади. Сочлар кўпинча ўйноқилик ва ёшлик рамзи сифатида ортиқча оро бермай ўрилади. Янги олма гуллари ёки кичик новдалари сочларга тақилади.
Албания
Замонавий албан аёллари кўпинча замонавий тўй либосларида турмушга чиқади. Аммо баъзилар ҳали ҳам анъанавий кийимни афзал кўришади ва бу ажабланарли эмас, чунки у ҳақиқатан ҳам ранг-баранг ва ҳашаматли кўринади. Маҳаллий урф-одатларга қараб, костюмлар бир-биридан фарқ қилиши мумкин. Бундан ташқари, Албанияда тўйлар 1-2 кун эмас, балки бутун бир ҳафта давомида нишонланиши мумкин, шунинг учун келинлар гардеробида кўпинча турли хил кийимлар бўлади. Бироқ классик тўй либоси блузка ёки кўйлак, юбка ёки шим, қалин жилет ва узун пальтодан иборат.
Мальта
Бу ғалати туюлиши мумкин, аммо Мальтадаги келиннинг асосий тўй атрибути умуман кийим эмас, балки гоннелла — кенг рўмол кўринишидаги бош кийимдир. Бироқ ҳозирда қизлар анъанавий тўй либосини киймайди, кўпчилик унинг замонавий версиясини танлайди, бу одатий оқ либосдан унчалик фарқ қилмайди.
Мавзуга доир:
- Ўзга миллат вакили билан оила қурган ва ҳозирда бахтли ҳаёт кечираётган ўзбекистонлик машҳурлар (фото)
- Дунёга қарши чиққан жуфтлик: 34 йил давомида турмуш қуриш учун қироличанинг рухсатини кутган Чарльз ва Камилланинг севги ҳикояси
- Хизматкор, официант ва кассир: Голливуд юлдузигача бўлган машаққатли йўлни босиб ўтган актриса — Марго Роббининг тақдир ҳикояси
Изоҳ (0)