Кўп ҳолларда фильм ёки мусиқий премьералар арафасида машҳур шахсларнинг ҳаёти ҳақидаги «аччиқ» ҳақиқатлар оммавий ахборот воситаларида эълон қилинади. Битта лойиҳада иштирок этган машҳурларнинг бирга учраша бошлагани ҳақида миш-мишлар тарқалади. Миш-мишлар сусайиши билан уларнинг «севги»си ҳам йўқолади. Бу эса уларнинг муносабати пиар бўлганини англатади.
Кристин Стюарт ва Роберт Паттинсон
«Сумерки» фильмининг 2008 йилдаги намойишидан сўнг, вампирлар ҳақидаги кинокартина машҳурликка эришди ва кассалардаги рекордни янгилади. Томошабинлар фильмнинг яна давоми борлигига ишонди ва улар Кристин Стюарт ва Роберт Паттинсоннинг кинодаги ҳис-туйғуларини ҳақиқий ҳаётга кўчирди. Умуман олганда, жуфтликнинг ўзи бу миш-мишларнинг тарқалишига сабабчи бўлди, чунки улар доим тадбирларда бирга кўриниш берди. Бироқ фильмнинг сўнгги қисми чиққанидан сўнг, уларнинг муносабатлари пиар эканлиги маълум бўлди ва шундан сўнг Стюарт эътиборини аёлларга қаратди.
Леди Гага ва Бредли Купер
«Юлдуз туғилди» кинофильми Леди Гага ва Бредли Купер ўртасидаги романтик саҳналарга тўла эди. Томошабинлар уларнинг муносабатлари ҳақиқий эканига ишонди. Бундан ташқари Ирина Шейк ҳам ўша пайтда актёр билан ажрашганини тасдиқлади. Вақт ўтиб томошабинларнинг тахмини ҳақиқатга яқиндек туюлди, бироқ лойиҳа ҳар хил мукофотларни олганида жуфтликнинг муносабати тугади.
Мила Кунис ва Жастин Тимберлейк
Мила ва Жастиннинг муносабатлари жуфтлик иштирокидаги бир фильмдан кейин бошланган. Уларнинг пиар муносабатлари сабаб томошабинлар эътиборини фильмга жалб қилиш унча кўп куч талаб қилмаган. Тадбирларда бирга иштирок этишнинг ўзи бунга кифоя қилди. Кинофильмнинг прокатлари тугаши билан Кунис ва Тимберлейкнинг «ишқий муносабатлари» якунига етди.
Эштон Катчер ва Бриттани Мерфи
«Турмуш қурганлар» фильми Эштон ва Бриттани ўртасидаги эҳтиросли муносабатларга оид кўплаб миш-мишларга сабаб бўлди. Аммо уларнинг пиар бўлган муносабатлари бир йил ҳам давом этмади. Бироқ 2009 йилда Мерфининг вафотидан кейин чин дилдан мотам тутган Катчер ҳурмат кўрсатишга арзийди.
Райан Гослинг ва Рейчел Макадамс
Райан ва Рейчел «Хотира кундалиги» фильмининг суратга олиш жараёнида бир-бирига чидай олмаганликларини бир неча бор тан олган. Бироқ жуфтлик омма олдида бутунлай бошқача ҳис-туйғуларни кўрсатади. Иш жараёнидаги таниқли инсонлар бу ҳолатга кўникиб қолган. Жуфтлик бир-бирининг яхши томонини қадрлайди. Улар кинофильм чиқарилгандан кейин уч йил давомида ҳақиқий муносабатда бўлган.
Камерон Диас ва Мэтт Диллон
Бу жутфликнинг ҳам аслида пиар бўлган муносабати «Мерини деб ҳамма ақлдан озган» лойиҳаси устида иш олиб борилгунга қадар давом этди. Мухлислар ўзларини алдангандек ҳис қилмасликлари учун, Камерон ва Мэтт буни касбий жиҳатдан мос келмаслик деб изоҳлаган.
Клаудиа Шиффер ва Дэвид Копперфилд
Бу жуфтлик 90 йилларнинг энг кўп муҳокама қилинган жуфтликларидан бири эди. Уларнинг биринчи учрашуви келажакдаги мелодрама учун сценарий бўлиб хизмат қилган. Кўп ўтмай машҳурлар тўй қилмоқчи эканлигини маълум қилади. Бироқ улар 1999 йилда муносабатлари пиар бўлганини айтган.
Мавзуга доир:
- Анжелина Жоли, Лиам Нисон ва фильмлардаги қаҳрамонларининг тақдирини такрорлаган бошқа машҳурлар (фото).
- Мила Кунис, Кейт Миддлтон, Том Круз : мухлислари билан оила қурган машҳурлар (фото)
- 43 ёшли Золушка, Элзадек кийинган ҳақиқий малика: эртак қаҳрамони каби кийиниб, ҳамманинг эътиборини тортган машҳурлар (фото)
- Ижтимоий тармоқлардан фойдаланишга тақиқ, овқатланиш учун «пора». Машҳурлар фарзанд тарбиялашда амал қиладиган ноодатий қоидалар
Изоҳ (0)