Энг яхши муолажалар ва самарали воситалардан фойдаланишдан аввал кўпинча дунёга машҳур аёлларнинг гўзаллик бобидаги маслаҳатларига қулоқ тутамиз. Юлдузларнинг касби ҳамиша мукаммал кўринишни талаб қилади, шунинг учун ҳам уларнинг гўзаллик тавсияларига амал қилиш фойдалидир, деб ёзади Harper’s Bazaar Kazakhstan.
Марго Робби
Яқинда актриса мўжизавий қурилма унинг терисини мукаммал кўринишига ёрдам беришини маълум қилди: “Мен массаж ва тебранишларга асосланган ёшартирувчи қурилмадан фойдаланаман. Бу ҳақиқатан ҳам ёрдам беради. Қасам ичаманки, бунинг учун менга ҳеч ким пул тўламайди”. Гаджет эластин ва коллаген ишлаб чиқаришни рағбатлантиради, бу эса тери қаришига қарши энг самарали воситалардан бири ҳисобланади.
Софи Тернер
“Тахтлар ўйини” юлдузининг сўзларига кўра, унинг гўзаллик борасида сирлари жуда оддий. Софи фақат иккита косметик маҳсулотдан фойдаланади: мицелляр сув ва iS CLINICAL тозаловчи воситаси. Яллиғланишга қарши ва озиқлантирувчи ўсимлик ёғлари туфайли маҳсулот терига зарар етказмасдан чуқур тозалайди.
Кендалл Женнер
Таниқли модел Avene Cold Cream маҳсулоти ёрдамида лаб қуришига қарши курашади. Лаб бўёғи терини яхши ҳолатда сақлайди ва намлантиради.
Меган Маркл
Сассекс герсогинясининг тўй макияжини яратган Даниел Мартиннинг айтишича, унинг ёрқин терисининг сири Euserin Aquaphor деб номланувчи қайта тикловчи балзамдадир. Машҳур визажист кремни юзнинг юқори нуқталарида ёритгич сифатида ишлатади ва устига Dior хайлайтерини қўллайди.
Виктория Бекҳем
Дизайнер кўпроқ Оsеа тана мойларини яхши кўради. Виктория уни душ қабул қилгандан кейин дарҳол нам баданга қўллашни тавсия қилади. Бундан ташқари, тўрт фарзанднинг онаси Ланcер Skincare ва Dr.Barbara Sturm бренди маҳсулотларидан ҳам фойдаланади.
Амал Клуни
Венеция кинофестивалида қизил йўлакка чиқишдан олдин визажист Шарлотта Тилбери Амал Клунининг юзига Charlotte Tilbury қуруқ ниқобини қўллади. У ажинларни текислайди, терини ёрқинлаштиради ва намлайди.
Ким Кардашян
Ким Кардашян шунчаки қаришга қарши Guerlain Оrchidée Impérialе Rich кремидан мунтазам фойдаланади.
Рози Хантингтон-Уайтли
“Jeyms Read Night тунги юз ниқоби мен ишлатган энг яхши косметик маҳсулотдир”, — дейди модел.
Приянка Чопра
Актриса 111SKIN юз ниқобига ошиқ. “Мен уни ҳар куни қўллайман. Бу макияждан олдин фойдаланадиган биринчи нарса”.
Эмили Ратаковски
“Мен теримнинг намланишини истасам, кечаси Aquaphor кремини суртаман. Бу терини таранг ва эластик қилади. Ушбу маҳсулот саёҳат пайтида, албатта, бўлиши шарт”, — дейди Эмили.
Мавзуга доир:
Изоҳ (0)