Кинодаги фаолиятини Голливуддан бошлаган машҳур турк актёри Керем Бурсин яқинда ота бўлади. Бу ҳақда турк ОАВлари хабар бермоқда. Ҳозирча буни актёрнинг ўзи тасдиқламаган, аммо мухлислар Бурсиннинг ижтимоий тармоқдаги саҳифасида табриклар ва олқишларга тўла изоҳларини қолдиришда давом этмоқда.
Аввалроқ у Дин Сабанжининг набираси, модел Мелиса Сабанжи Тапан билан муносабатлари ҳақида илиқ фикрлар билдирган эди:
“Мен учун муносабатлардан излаган ва кутилган нарса бу бирор янгиликдир. Ҳозирда Мелиса билан бахтлиман, муносабатларимиз эса жуда тез ва ажойиб тарзда бошланди”, деди Бурсин.
Керемнинг дўстлари журналистлар саволларига жавоб берар экан, актёр ва модел бахтли эканликларини ва уларнинг муносабатларига ОАВнинг катта эътибор қаратишларини истамасликларини таъкидлади.
Бундан ташқари, Керем ва Мелиса тез орада қонуний турмуш қуришлари ҳам маълум бўлди. Бу ҳақда Магазинане нашри хабар берди. Унга кўра, аввалига Керем Бурсин қаллиғи Мелиса Сабанжига турмуш қуриш таклифини берган, кейин эса Мелиса унга ҳомиладорлиги ҳақида хабар қилган.
Маълумот учун, Шотландия, Малайзия, АҚШ ташриф буюриб, у ерда актёрлик фаолиятини бошлаган Керем Бурсин “Қуёшни кутиш” сериалида рол ўйнаб, Туркияда машҳурликка эришди. Шундан сўнг Керем 17 та лойиҳада суратга тушди. Унинг иштирокидаги “Эшигимни сен қоқ” сериали актёрнинг дунё бўйлаб машҳурликка эришишига сабаб бўлди. Ҳозирда реклама шартномаларидан Туркияда энг катта даромад оладиган актёр Гупсе Озай билан биргаликда “Платоник севги” сериали устида ишлаб келмоқда.
Изоҳ (0)