Бугунги кунда турк сериаллари бутун дунё бўйлаб юксак ҳурматга сазовор. Турк фильмларини миллионлаб одамлар томоша қилади ва дизи ихлосмандлари сони йилдан йилга ортиб бормоқда.
Бугун биз машҳур фильмларда энг яхши образларни гавдалантирган турк актёрларнинг ота-оналари билан яқиндан танишишга қарор қилдик.
Ҳанде Эрчел
“Қалбим эшигини қоқ” сериали юлдузи Ҳанде Эрчелнинг отаси Кая Эрчел маиший техника савдоси билан шуғулланган, онаси Айлин эса уй бекаси бўлган. Ҳанде Эрчелнинг Гамзе исмли опаси бор, у ўзидан атиги бир ёш катта.
Афсуски, актриса 2019 йилда онасидан айрилди. Бу жудолик оила учун кучли зарба бўлди. Ҳанденинг онаси доим фарзандлари тарбияси ва рўзғор юмушлари билан банд бўлган ва қизларининг қизиқишларини доимо қўллаб-қувватлаган.
Таро Эмир Текин
“Бевафо” сериали чиққандан кейин дунё миқёсида шуҳрат қозонган ва “Қўрғон сирлари”даги роли машҳурлигини сезиларли даражада оширган Таро Эмир Текин машҳур турк актрисаси Шеввал Семнинг ўғли. Унинг отаси Метин Текин футболчи бўлган. Актёр ижтимоий тармоқларда ота-онаси билан тушган фотосуратларини бўлишиб туради.
Афра Сарачўғлу
“Қўрғон сирлари” сериалида Сейран ролини ўйнаган Афра Сарачўғлунинг ота-онаси ёшлигида ажрашиб кетган, шунинг учун у фақат онасининг қарамоғи остида вояга етган. Унинг отаси ҳеч қачон қизи билан яхши муносабатлар ўрнатишга ҳаракат қилмаган. Лутфие Сарачўғлу қизининг болаликдан актриса бўлиш истагини амалга оширган. У ижтимоий тармоқлардаги янги сериал кастинги бўйича эълонни кўриб қолган ва Афранинг кино оламига кириб келишига сабаб бўлган.
Керем Бурсин
“Қалбим эшигини қоқ” сериали юлдузи Керем Бурсиннинг онаси Чигдем уй бекаси бўлиб, ўғли ва Керемнинг синглиси Мелис тарбияси билан банд бўлган. Отаси Иброҳим Помир тадбиркор, халқаро нефть компаниясининг раҳбари лавозимида ишлаб келмоқда. Ташқи жиҳатдан кўпчилик актёрни айнан отасига ўхшатади.
Мерт Рамазон Демир
“Қўрғон сирлари” юлдузи Мерт Рамазон Демир кўп фарзандли оилада туғилган. Мертнинг тўрт акаси ва синглиси бор, лекин унинг оиласи омма эътиборидан четроқда туришни афзал кўради. Актёрнинг отаси Абдужалил Демир ҳунарманд ва савдогарлик билан шуғулланади. Онаси Дерия уй бекасидир.
Бурак Ўзчивит
“Севги изтироби”, “Чолиқуши” сериаллари юлдузи Бурак Ўзчивитнинг отаси Жейҳан Ўзчивит ресторан бизнесининг эгаси. У барча оталар сингари ўғлининг оилавий бизнесни давом эттиришини истаган, аммо Бурак бутунлай ўзга тақдирни танлади ва шоу-бизнесга моделлик орқали кириб келди.
Актёрнинг болалиги Мерсин шаҳрида ўтган. Унинг онаси Жейҳан Ўзчивит уй бекаси бўлиб, икки фарзанди — Бурак ва унинг синглиси Бурчин тарбияси билан шуғулланди.
Мелиса Донгел
“Қалбим эшигини қоқ” сериалидаги Жерен образини ижро этган Мелиса Донгел турк киносини муваффақиятли забт этди. Унинг онаси рус миллатига мансуб бўлиб, Наталя Орлова узоқ йиллар давомида Севастополда яшаб келган. Актриса отаси ҳақида ҳеч қандай маълумот бермаган.
Изоҳ (0)