Туркияда 3 декабрь оқшомида “Олтин капалак” мукофотининг 49-тақдирлаш маросими ғолиблари аниқланди. Маросим 1972 йилдан буён ҳар йили анъанавий тарзда ўтказиб келинади. Унда йил давомида экранга чиққан фильмлар ғолиблик учун кураш олиб боради ва энг яхшилари мухлислар томонидан аниқланди. Бу йилги маросим ҳам таассуротларга бой ўтди ва унда кўплаб таниқли меҳмонлар иштирок этди.
“Энг яхши сериал жуфтлиги” — “Қўрғон сирлари”
Икки мавсум давомида юқори рейтингларда бўлиб келган “Қўрғон сирлари” картинаси ғолиб деб топилди. Бу мавсумда бизни бир оз тушкунликка солишига қарамай сценарий муаллифини ўзгартириб, яна жадвалда биринчиликка қайтди.
“Йилнинг энг яхши актрисаси” — Пинар Дениз
Актриса кетма-кет иккинчи йил ғолиб бўлгани ноёб воқелик. Шуни ҳам эсдан чиқармаслик керакки, Пинар Лотин Америкасидаги Produ Awards’да “Энг яхши хорижий актриса” мукофотини ҳам қўлга киритган.
“Мен икки йил кетма-кет энг яхши актриса мукофотини олганимдан жуда ҳам хурсандман. Тадбирда иштирок этган барчага катта раҳмат” — дейди Пинар.
Шунингдек, актриса “Ҳукм” сериали ижодкорларига миннатдорчилик билдириб, унга ишонганликлари учун раҳмат айтди.
“Йилнинг энг яхши актёри” — Салиҳ Бадемжи
Солиҳ Бадемжи “Клуб” сериалидаги ноодатий хонанда Селим роли учун энг яхши актёр деб топилди. Солиҳ кўп қиррали актёр, у номинацияга 3 та персонаж образи билан иштирок этди. Бу йил Netflix учун иккита рақамли лойиҳа — “Клуб” сериалининг 2-мавсуми ва “Тикувчи” сериясининг 3-мавсуми чиқди. Ҳозирги кунда актёр “Тилаклар тоши” теленовелласида қатнашмоқда.
“Эришган ютуқлари учун” — “Ҳукм сериали”
Бу йилги маросимда “Ҳукм” сериали “Эришган ютуқлари учун” номинацияси ғолиби бўлди. Уч мавсумдан буён лойиҳа юқори марраларни сақлаб келмоқда ва нафақат Туркияда, балки бутун дунёда эътирофга сазовор бўлмоқда. Яқинда сериал ижодкорлари “Эмми” мукофоти билан тақдирланган эди.
“Энг яхши сериал жуфтлиги” — Серенай Сарикая ва Кивонч Татлитуғ
Серенай Сарикая ва Киванч Татлитуғ жуфтлиги “Оила” сериалидаги роли учун ғолиб деб топилди. Серенайнинг актрисалик фаолияти анча салмоқли бўлса ҳам, проект Киванч Татлитуғ карьерасида катта бурилиш бўлди. Сериалнинг ўзи ҳам “ёндирмоқда”.
“Романтик комедия сериалидаги энг яхши актёрлар” — Ҳафсанур Санжактутан ва Керем Бурсин
Керем ва Ҳафнасур ўртасидаги ишқий муносабатлар ҳақидаги тинимсиз миш-мишлар туфайли жуфтлик тақдирлаш маросимида ҳам бирга қатнашди. Керем Бурсин ўз нутқида турк ва инглиз тилларини аралаштириб ҳаяжон билан гапиргани ижтимоий тармоқларнинг асосий мавзуга айланди.
“Энг яхши романтик комедик сериал” — “Агар кучли севсанг”
Сериал Туркияда жуда паст рейтингда бўлишига қарамай ғолиб бўлди.
“Энг яхши комедик актриса” — Эжем Эркек
Актриса бунга қадар ҳам “Ҳимоячи” сериалидаги роли учун 2020 йилда “Олтин капалак” мукофотининг 46-маросимида айнан шу номинация бўйича ғолибликни қўлга киритган. Эжем Гулдур-Гулдур шоусида иштирок этганидан сўнг, турк оммавий ахборот воситаларида энг кўп муҳокама қилинган актрисалардан бирига айланди. Мухлислар унинг пародия қобилиятини юқори баҳолади. Бу йилги маросимда Эжем Эркек “Гўзал кунлар” сериалидаги роли учун энг яхши деб тан олинди.
“Энг яхши комедик актёр” — Чағлар Чорумлу
“Йилнинг энг яхши режиссёри” — Кетче / Ҳоқон Кирвавач “Клюква шарбати” сериали
“Энг яхши ссенарист” — Мелис Живелек ва Зейнеп Гур “Клюква шарбати” сериали
“Энг яхши митти актёр” — Ада Эрма
У “Клуб” сериалида Исмет ва Рашелнинг кичик қизи ролини ижро этган.
“Интернетдаги энг яхши сериал” — “Клуб”
“Шарқ юлдузи” номинацияси бўйича тақдирланганлар:
Сила Туркоғлу — “Клюква шарбати”
Симай Барлас — “Ёввойи”
Озғэ Яғиз — “Сафир”
Жанер Тончу — “Тропик”
Изоҳ (0)