Сентябрь ойининг биринчи ярми ҳам ортда қолди. Бу ҳафта севимли актёрларингиз ҳаётида нималар бўлганини кузатишга улгурмаган бўлсангиз, қуйидаги мақолада турк шоу-бизнес оламидаги энг сўнгги ва қизиқарли янгиликларини тўпладик.
“Қўрғон сирлари”нинг учинчи мавсуми, биринчи бўлими сериал мухлислари томонидан муносиб кутиб олинмади
Яқинда томошабинларга “Қўрғон сирлари” сериалининг биринчи қисми ҳавола этилди. Ушбу лавҳа кўплаб мухлислар томонидан салбий қарши олинди. Томошабинлар Сейран ва Ферит жуфтлигининг кейинги қисмати қандай бўлишига катта қизиқиш билдирган эди. Аммо сериалда мутлақ янги қаҳрамонлар ва шубҳали сюжет бурилишлари намойиш этилди. Бу эса кенг жамоатчилик эътирозига сабаб бўлди.
“Оқ-қора севги” сериали юлдузи Бирже Акалай Ҳакан Курташга турмушга чиқмоқда.
2024 йил октябрь ойида актриса Бирже Акалай ва Ҳакан Курташ муносабатларини қонунийлаштиради. Тўй ҳақидаги миш-мишлар жуфтликнинг Парижга саёҳати пайтидан бошланди. Инсайдерларнинг сўзларига кўра, Парижга иккала актёрнинг ота-оналари ҳам ташриф буюрган. Эҳтимол, икки оила тўйни қаерда ва қай тарзда ўтказишни маслаҳат қилган.
Керем Бурсин Бариш Ардучнинг рафиқаси продюсерлик қиладиган янги сериалда иштирок этади.
Бариш Ардучнинг рафиқаси Гупсе Озай янги лойиҳа устида иш олиб бормоқда. Унда актёр Керем Бурсин суратга тушишга розилик билдирди. Маълумотларга кўра, мазкур сериал Disney+ платформасида чиқадиган илк лойиҳалардан бири бўлади ва 2025 йилнинг март ойида премьераси бўлиб ўтади.
Буче Бусе Каҳраман “Ҳукмдор Усмон” сериалида иштирок этади.
Актриса Буче Бусе Каҳраман бош қаҳрамон Бурак Ўзчивит билан бирга “Ҳукмдор Усмон” сериалида суратга тушиши маълум бўлди. Бундан аввал актриса “Алп арслон: Буюк салжуқийлар” тарихий сериалида тажриба орттирган. Дастлабки маълумотларга кўра, Буче Алтунай Хотин образини гавдалантиради.
“Севги изтироби” сериали юлдузи Мелиса Асли Памук она бўлади.
2024 йилнинг май ойида турмушга чиққан Мелиса Асли Памук фарзанд кутаётгани маълум бўлди. Папарацилар унинг сўнгги кунларда тўлишган ҳолатдаги суратларини олишга муваффақ бўлгач, актриса хушхабар билан шахсан бўлишишга қарор қилди.
“Мени эшит” сериали юлдузи Рабиа Сойтурк турмушга чиқмоқда.
Актриса Рабиа Сойтурк тадбиркор Самет Вурушандан турмуш қуриш таклифини олди. Ушбу муҳим воқеа жуфтликнинг мухлислари томонидан суратга олинган.
Ҳанде Эрчел ва Бурак Дениз иштирокидаги “Мутлақо бошқача” сериали Сеул халқаро драма мукофотини қўлга киритди.
Бош ролларда Ҳанде Эрчел ва Бурак Дениз иштирокидаги “Мутлақо бошқача” сериали Кореяда эътироф этилди ва Seoul Drama Awards маросимида “Йилнинг энг яхши сериали” номинациясида ғолиб бўлди.
Бурак Челик “Чексиз севги” сериалида иштирок этади.
Сериалнинг сценарий муаллифлари фикрига кўра, янги қаҳрамон лойиҳанинг нуфузини янада оширишга ёрдам беради кўпроқ томошабинларни ўзига жалб этади.
“Ёввойи” сериалидаги Ҳалит Озгур Сари ва Симай Барлас ажралди.
“Ёввойи” лойиҳасида бош қаҳрамонларни гавдалантирган актёрлар ажрашди. Бирсен Алтунташнинг сўзларига кўра, суратга олиш майдончасида бир-бирига кўнгил қўйган жуфтлик ўртасида бахслар юзага келган.
Изоҳ (0)