Россиянинг Ил-76 ҳарбий самолёти Иваново вилоятидаги аэродромдан учиш чоғида двигатель ёниши оқибатида ҳалокатга учради. Бу ҳақда Россия Мудофаа вазирлигига таяниб “РИА Новости” хабар берди.
Самолётда саккиз нафар экипаж аъзоси ва етти нафар йўловчи бўлган, — дейилади вазирлик хабарида.
Самолёт режалаштирилган парвозни амалга ошириши керак бўлган. Ҳодиса Москва вақти билан 13:00 атрофида содир бўлган.
“Ҳодиса жойидан олинган хабарга кўра, ҳодисага самолёт парвози чоғида двигателлардан бирининг ёниши сабаб бўлган. Россия Аэрокосмик кучлари бош қўмондонлигидан иборат комиссия Иваново аэродромига ҳалокат сабабларини аниқлаш учун жўнаб кетган”, — дея Мудофаа вазирлиги хабар берган.
Изоҳ (0)