19 май куни ҳалокатга учраган Эрон президенти Иброҳим Раисий бўлган вертолёт зарур навигация ва сигнализация ускуналари билан жиҳозланган. Уни Ислом инқилоби қўриқчилари корпуси эмас, армия учувчилари бошқарган. Бу ҳақда манбаларга таяниб, Тurkie газетаси хабар берди.
Эрон разведка хизматларидаги манбаларга кўра, сўнгги дақиқада Раисий бўлган вертолётнинг йўловчилар рўйхатига ўзгартиришлар киритилган. Жумладан, ташқи ишлар вазири Амир Абдуллаҳён ва бошқа шахслар Озарбайжондан Эронга бошқа вертолётда учиши керак бўлган. Жами президент кортежига учта вертолёт ҳамроҳлик қилган, уларнинг иккитаси манзилига етиб борган, Раисий ва ташқи ишлар вазири бўлган вертолёт эса ҳалокатга учраган.
Агар вертолётни Ислом инқилоби қўриқчилари корпуси бошқарганида, бортда армия ходимлари бўлар эди. Вертолётнинг ўзи уч турдаги кузатув мосламалари билан жиҳозланган. Унга стандарт GPS ва транспондер билан бир қаторда 72 соат давомида узлуксиз сигнал узатилишини таъминлаш учун махсус тизим ўрнатилган. Шунга қарамай, ҳалокат жойини дарҳол аниқлашнинг иложи бўлмаган.
Теҳрондаги манбалар авиаҳалокатни Эроннинг 85 ёшли олий раҳнамоси Али Хоманаий ўрнини эгаллаши кутилган Раисийни четлатиш операцияси сифатида баҳолаган.
Бир версияга кўра, Эрон президенти бу ишда керак бўлмаган ва у олиб ташланган, — деб ёзади газета.
Хоманаий ўрнини эгаллаши кутилаётган номзодлар орасида унинг 55 ёшли ўғли Можтаба Хоманаий ва парламент спикери Муҳаммад Бағэр Ғолибаф ҳам бор.
Аввалроқ Туркия транспорт вазири Абдулқодир Уралўғли Туркия Эрон расмийлари бўлган вертолётдан сигналларни қайд этмагани, авиатехникада сигнал тизими ўчирилган ёки бўлмаганини айтганди.
Эслатиб ўтамиз, 19 май куни Эрон президенти Иброҳим Раисий авиаҳалокат натижасида ҳалок бўлди. Мамлакат шимоли-ғарбида Эрон президенти ва ташқи ишлар вазири бўлган вертолёт ҳалокатга учраганди.
Кучли туман ва тоғли ҳудуд туфайли ҳалокатга учраган вертолётни қидириш 10 соатдан ортиқ давом этган. Мутахассислар фикрича, фалокат техник носозлик ёки инсон омили туфайли юз берган бўлиши мумкин. Раисий вафоти муносабати билан Эронда беш кунлик мотам эълон қилинган. Эрон президентининг дафн маросими 23 май куни Машҳад шаҳрида бўлиб ўтади. Муддатидан олдин президентлик сайловлари 28 июнга белгиланган.
Изоҳ (0)