Наманганда 40 млн сўмлик пиротехника буюмларини сотаётган шахслар ушланди
Наманганда пиротехника буюмларини сотаётган шахслар қўлга олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Фото: Бош прокуратура ҳузуридаги Иқтисодий жиноятларга қарши курашиш департаменти
Маълум қилинишича, Наманган туманида фуқаролар Й.К. ва У.Р. Gentra автомашинасида умумий баҳоси 40,1 млн сўмлик хорижда ишлаб чиқарилган 6 хил турдаги жами 138 дона пиротехника буюмларини фуқаро М.Х.га ўтказиш учун олиб келган вақтида ашёвий далиллар билан ушланган.
Мазкур ҳолат юзасидан Жиноят кодексининг 250-1-моддаси (пиротехника буюмларининг қонунга хилоф муомаласи) билан жиноят иши қўзғатилиб, тергов ҳаракатлари ўтказилмоқда.
Пиротехника воситаларининг муомалага киритилишига қарши кураш
9 ноябрь куни “Чинор” ЙПХ масканида пиротехника воситалари олиб кетаётган юк автомобили тўхтатиб қолингани хабар берилганди.
Автомобильнинг юкхонасида 36 та “Волк”, 35 та “Самарканд”, 48 тадан “Британик” ҳамда “Трения” ва 38 та “Соловей разбойник” номли пиротехника воситалари олиб кетилаётгани аниқланган.
Бундан ташқари, Тошкент вилоятида ўз уйида 536 дона пиротехника воситаларини сақлаб келган шахс ушланганди.
Ўзбекистон ҳудудига 2021–2023 йилларда 300 мингдан ортиқ пиротехника буюмлари ноқонуний олиб кирилгани ҳақида хабар берилганди.
Изоҳ (0)