Андижон вилояти Избоскан туманида кўп миқдордаги пиротехника воситаларини сотаётган Captiva ҳайдовчиси ушланди. Бу ҳақда вилоят ИИБ ахборот хизмати хабар берди.
Хабар берилишича, ҳолат ИИВ, Андижон вилояти ИИБ ТҚХ Терроризмга қарши курашиш бошқармаси ҳамда бошқа ҳуқуқни муҳофаза қилувчи органлар билан ҳамкорликда ўтказилган тезкор тадбир натижасида аниқланган. 1987 йилда Наманган вилоятида туғилган И.М бошқарувидаги Captiva’сида Андижон вилоятининг Избоскан тумани “Тўрткўл” МФЙ ҳудудига келиб, айланма йўллар орқали республика ҳудудига ноқонуний олиб кирилган кўп миқдордаги пиротехника воситаларини сотаётган вақтида ушланди.
Ушбу пиротехника воситалари далилий ашё тариқасида олиниб, Андижон вилояти божхона бошқармасига топширилди. Ҳозирда мазкур ҳолат юзасидан терговга қадар текширув ҳаракатлари олиб борилмоқда.
Изоҳ (0)