Бельгиянинг “Менен” клуби футболчиси Фабио Скиафино мухлис томонидан майдонга ташланган пиротехника воситасини майдондан улоқтирмоқчи бўлган пайтида жиддий жароҳат олди.
Ҳодиса Бельгия чемпионатининг тўртинчи дивизиони ўйинидан сўнг рўй берган. Ўйинда “Менен” “Зиллебеке”ни 4:0 ҳисобида мағлуб этди. Ўша куни ўзининг 26 ёшини нишонлаётган икки гол муаллифи Скиафино майдондан улоқтириш учун пиротехника воситасини қўлига олган пайтида портлаб кетди. Натижада футболчи битта бармоғидан айрилди. Яна икки бармоғининг суяклари жиддий шикастланди.
Майдонга пиротехника воситасини улоқтиргани учун 21 ёшли йигит полиция томонидан ҳибсга олинди. У далолатнома тузилгач қўйиб юборилган. Йигитни жиноий жавобгарликка тортиш тўғрисида қарор прокуратура томонидан қабул қилинади. “Менен” клуби ҳодиса бўйича фуқаролик даъвоси киритилишини маълум қилди.
Изоҳ (0)