Фарғона туманида яшаш хонадонида пиротехника воситаларини сақлаб келган аёлга чора кўрилди, деб хабар беради Фарғона вилояти ИИБ ахборот хизмати.
Маълум қилинишича, Фарғона тумани ИИБ ходимлари томонидан “Наврўз” МФЙда яшовчи М.Р.нинг (аёл) яшаш хонадони холислар иштирокида кўздан кечирилган. Текширув давомида аёлнинг яшаш хонадони ҳовлисида умумий баҳоси 25 миллион сўм бўлган 112 дона “7 SHOTS” номли пиротехника воситаларини ўтказиш мақсадида сақлаб келаётгани аниқланган.
Ҳолат юзасидан М.Р.га нисбатан Маъмурий жавобгарлик тўғрисидаги кодекснинг 185-моддаси 1-қисмига (пиротехника буюмларининг қонунга хилоф муомаласи) асосан чора кўришлик учун жиноят ишлари бўйича Фарғона тумани судига юборилган.
- Аввалроқ Наманган вилояти Уйчи туманида 31 миллион сўмлик пиротехника буюмларини сотаётган шахслар ушлангани тўғрисида хабар берилганди.
- Ангренда Тошкентга кетаётган Mercedes-Benz ичидан 250 минг донага яқин пиротехника воситалари топилган эди.
Изоҳ (0)