Наманган вилоят божхона бошқармаси контрабандага қарши кураш бўлими ДХХ ва ИИБ ходимлари билан биргаликда Янгиқўрғон туманида тезкор тадбир ўтказди. Бу ҳақда “Дарё” мухбири Азизбек Абдувалиев хабар бермоқда.
Фото: Хушнуд Мансуралиев
Тезкор тадбир давомида шу тумандаги “Юмалоқтепа” маҳалласида яшовчи фуқаронинг хонадони кўздан кечирилганда хорижда ишлаб чиқарилган, мамлакатга муқаддам ноқонуний равишда олиб кирилган 396 000 дона “Трения” ва 458 дона “7 Shots” номли пиротехника воситалари сақланаётганлиги аниқланди.
Фото: Хушнуд Мансуралиев
Уларнинг умумий қиймати 500 миллион сўм баҳоланмоқда. Манбаларга кўра, мазкур сумма ва миқдордаги пиротехника воситалари ҳозирги кунда республикадаги рекорд кўрсаткич ҳисобланади.
Ҳозирда мазкур ҳолат юзасидан суриштирув ишлари олиб борилмоқда.
Изоҳ (0)