Россия АҚШ билан яна бир маҳбуслар алмашинувини кўриб чиқишга, албатта, тайёр бўлади, айниқса сайланган президент Дональд Трампнинг фаолияти бошидаги даврида, дея маълум қилди Россия ташқи ишлар вазири ўринбосари Сергей Рябков.
Унинг сўзларига кўра, бундай битимлар “икки томондан кўп босқичли ёндашувни” талаб қилади. Шу билан бирга, Рябков янги битим “олдинга қўйилган соғлом қадам” бўлишини ва Россия ҳамда АҚШ ўртасидаги муносабатларни яхшилашга ёрдам беришини таъкидлади.
МАШ маълумотларига кўра, маҳбуслар алмашинуви 2025 йил февраль ойида, Трампнинг 20 январга режалаштирилган инаугурациясидан бир неча ҳафта ўтгач бўлиб ўтиши мумкин. Россия ТИВ рўйхатида АҚШда жосуслик ва санкцияларни четлаб ўтиш схемаларини ташкил этишда айбланган 70 киши бор.
“Америка рўйхатига ҳарбий хизматчи Гордон Блек, АҚШ фуқароси Жозеф Тейтер, шунингдек, АҚШ ва Россия фуқароси Ксения Карелина киради. Европа Иттифоқининг илтимосига кўра, рўйхатга темир йўлларда теракт ва қўпорувчиликда айбланган россияликлар қўшилди, уларнинг аксарияти болалар ва ўсмирлар”, деб таъкидлайди Маш.
Москва ва Ғарб ўртасидаги аввалги маҳбуслар алмашинуви жорий йилнинг 1 август куни Анқарада бўлиб ўтган эди. Россия Германия ва АҚШга уларнинг фуқароларини, шунингдек сиёсий моддалар бўйича ҳукм қилинган россиялик маҳбусларни топширган. Хусусан, сиёсатчи Владимир Кара-Мурза ва собиқ Москва муниципал депутати Илья Яшин ҳам улар орасида бўлган.
Изоҳ (0)