Россиялик олигарх Роман Абрамович Россия ва Украина расмийлари ўртасида воситачи бўлиб қолаётгани, бироқ унинг роли ўзгаргани маълум қилинди. Бу ҳақда The Wall Street Journal хабар берди.
.jpg)
Маълум қилинишича, Абрамович ташкиллаштиришда ёрдам берган тинчлик музокараларидан сўнг, унинг роли маҳбуслар алмашинуви ва дон экспорти билан қисқартирилган. Ғарб расмийлари Абрамович Россия президенти Владимир Путин билан яқин алоқадалиги учун у тинчлик музокараларига йўл очишига умид қилган. Бироқ Украина, АҚШ ва Европа расмийлари энди россиялик олигархдан уруш пайтида мулоқотда воситачилик қилишда муҳим рол ўйнашини кутмаяпти.
АҚШ расмийлари Роман Абрамовичга нисбатан икки хил қарайди. Бироқ улар Украина талаби билан Британия ва Европа Иттифоқидан кейин унга қарши санкциялар киритишга шошилмаяпти. Украина ҳукумати яқинда уни ўзининг санкциялар рўйхатига қўшди, бироқ барча ҳарбий асирлар қайтарилмагунча санкция амал қилинишини тўхтатиб қўйди.
“Россия ва Украина ўртасидаги мунозараларда, агар баъзи масалаларга аралашиш зарурати туғилса, у рол ўйнаши мумкин. Лекин бу музокаранинг биринчи босқичида бажарган воситачи роли бўлмайди”, — деди Украина офиси маслаҳатчиси Михаил Подоляк.
Мавзуга доир:
Изоҳ (0)