Россия ядровий доктринани кучайтирмаяпти, балки шунчаки такомиллаштирмоқда. Бу ҳақда Россия президенти Владимир Путин маълум қилди.
“Биз ядро доктринасини қатъийлаштирмаяпмиз, балки, уни такомиллаштирмоқдамиз”, деди Путин Фуқаролик жамияти ва инсон ҳуқуқлари бўйича кенгаш йиғилишида.
Унинг қўшимча қилишича, эндиликда ядровий доктринани эмас, “Орешник”ни такомиллаштириш устувор вазифалардан бири бўлиб қолмоқда.
“Аслида, бу замонавий қурол-яроғ тизимларининг етарли миқдорда мавжудлиги ядро қуролидан фойдаланиш заруриятини деярли йўққа чиқармоқда. Шунинг учун биз барча йўналишларда ўта эҳтиёткорлик билан ҳаракат қилмоқдамиз”, дейди Россия етакчиси.
Россиянинг ядровий доктринасидаги ўзгаришлар
Инсон ҳуқуқлари бўйича “Биринчи бўлим” лойиҳаси ҳуқуқшуносларига кўра, доктринанинг асосий ўзгаришлари шундан иборатки, ҳар қандай ядрога эга бўлмаган давлатнинг, лекин ядровий давлат иштироки ёки қўллаб-қувватлаши билан Россияга қарши тажовуз уларнинг РФга биргаликдаги ҳужуми сифатида баҳоланади.
Янгиланган доктринада қайд этилишича, агар “стратегик ва тактик самолётлар, қанотли ракеталар, дронлар, гипертовушли ва бошқа самолётларнинг мамлакатга учирилиши ҳақида ишончли маълумотлар мавжуд бўлса”, Москва ядровий жавоб чораларини кўриб чиқади.
Шунингдек, Россия иттифоқ давлати аъзоси сифатида Беларусга қарши тажовуз содир бўлган тақдирда ядро қуролидан фойдаланиши мумкинлиги ҳам келишиб олинди.
Бундан ташқари, доктринага кўра, агар “РФ суверенитети ва оддий қуроллар учун жиддий таҳдид” мавжуд бўлса, Россия ядро қуролидан фойдаланиши мумкин.
Путин “танқидий таҳдид”нимани англатишига аниқлик киритмади, дея таъкидлайди ҳуқуқ ҳимоячилари.
Изоҳ (0)