Тахтақорача довони 5 декабрь куни соат 09:00 дан вақтинча ёпилади. Бу ҳақда Йўл ҳаракати хавфсизлиги хизмати хабар берди.
Маълум қилинишича, Самарқанд ва Қашқадарё вилоятларини боғловчи довонда фавқулодда вазиятларни олдини олиш мақсадида амалий ўқув машғулоти ўтказилади.
Машқ давомида йирик тошларни хавфсиз тушириш ишлари амалга оширилиб, довонда транспортлар ҳаракати вақтинча чекланади.
“Барча ҳайдовчилардан ташкил этилган чора-тадбирларни тўғри тушунушларини, тартибга солувчиларнинг ишораларига риоя қилишларини сўраймиз” дейилади хабарда.
Бундан бир неча кун аввал ҳам йўл атрофидаги кўчки ва тош қулаши хавфи мавжуд бўлган ҳудудларда тегишли муҳандис-техник тадбирлар амалга оширилганди.
Мутахассисларнинг хулосасига кўра, ушбу довондан ўтувчи автомобиль йўлига тош тушиш хавфи бўлган 17 та жойлардан вилоят Фавқулодда вазиятлар бошқармаси қутқарув отряди қутқарувчилари томонидан мажбурий тош тушириш ишлари олиб борилди.
6 ноябрь куни ушбу довонда бахтсиз ҳодиса содир бўлганди. Ичида уч киши бўлган Cobalt’га йирик тош қулаган. Уларнинг барчаси воқеа жойида ҳалок бўлган. Қурбонларнинг икки нафари Венгрия фуқароси бўлган.
Изоҳ (0)