Март ойининг сўнгги кунлари ўтаётган бўлишига қарамасдан, Қашқадарё ҳамда Жиззах вилоятларида қор ёғди. Бу ҳақда «Дарё» ўқувчилари хабар берди.
Маълумот берилишича, Қашқадарёнинг Шаҳрисабз туманидаги Ғэлон ҳамда Кўл қишлоқларида, Китоб тумани ҳудудидан ўтувчи Тахтақорача довонида қор ёғган.
Шунингдек, Жиззах вилоятининг Бахмал туманидаги Темирқадам ҳамда Ўсмат шаҳарчаси ҳудудини ҳам оппоқ қор қоплаган.
«Эрталаб бошланган қор ҳали ҳам ёғмоқда. Ерлар оқариб қолди», — дейди қор ёғаётгани ҳақида хабар берган «Дарё» ўқувчиси.
Эслатиб ўтамиз, республика Гидрометеорология маркази 29 март, сешанба кунги об-ҳаво ҳақида маълумот бериб, Жиззах ҳамда Қашқадарё вилоятларида ҳаво ўзгариб туришини, баъзи жойларда бироз ёмғир ёғиб, туман тушиши мумкинлигини маълум қилганди.
Изоҳ (0)