Ноқулай об-ҳаво шароити туфайли Олмаота-Тошкент-Термиз автомобиль йўли участкасида транспорт ҳаракати ёпилди. Бу ҳақда “КазАвтоЖол”га таяниб, Zakon.kz хабар берди.
Маълум қилинишича, маҳаллий вақт билан соат 22:40 дан об-ҳаво шароитининг ёмонлашиши муносабати туфайли А-2 Олмаота – Тошкент – Термиз автомобиль йўлининг 59-километри (Жанақурлис қишлоғи) – 143-км (Жамбил вилояти чегараси)да юк ва жамоат транспорти ҳаракати чекланган.
Қозоғистон синоптиклари 2024 йил 30 январь куни ёғингарчилик (асосан қор) кузатилиб, ерлар музлашини прогноз қилган.
29 январь куни Ўзбекистон Фавқулодда вазиятлар вазирлиги Тахтақорача довони кучли қор ёғаётгани сабабли автомобиллар ҳаракати учун вақтинча ёпилганини маълум қилганди. Довон йўли қайта очилиши бўйича қўшимча маълумот тақдим этилади.
Изоҳ (0)