Фарғона шаҳрида 2022 йилнинг 3 апрель куни Ички ишлар бошқармаси ходимига тан жароҳати етказган шахсга жиноят иши қўзғатилди. Бу ҳақда «Дарё»га вилоят ИИБ ахборот хизмати хабар берди.
Қайд этилишича, шу куни вилоят ИИБ биринчи минтақавий ҳудуд патруль-пост хизмати отрядининг икки нафар ходими Фарғона шаҳрининг Янги аср кўчасида хизмат олиб борган. Шу вақтда Марғилон шаҳрида яшови А.Й. маст ҳолда ИИБ ходимлари билан жанжаллашиб қолиб, уларни ҳақорат қилган. Фаол қаршилик кўрсатиб, ходимлардан бирига тан жароҳати етказган.Мазкур ҳолат юзасидан Фарғона шаҳар прокуратураси томонидан Жиноят кодексининг 219-моддаси 1-қисми (Ҳокимият вакилига ёки фуқаровий бурчини бажараётган шахсга қаршилик кўрсатиш) билан жиноят иши қўзғатилган.
Аввалроқ Навоийда автомобилини жарима майдонига олиб кетаётган ЙПХ ходимини калтаклаган Matiz ҳайдовчиси ушланиб, унга нисбатан жиноят иши қўзғатилгани, кейинчалик ҳайдовчи қилмишидан пушаймонлигини билдиргани ҳақида хабар берилганди.
Изоҳ (0)