“Манчестер Сити” дарвозабони Эдерсон фаолиятини Туркияда давом эттириши мумкин. Fichajes нашрининг ёзишича, 31 ёшли бразилиялик посбон Истанбулнинг “Галатасарой” клуби билан шартнома бўйича келишиб олган.
Манбага кўра, эндиликда “Галатасарой” раҳбарияти “Манчестер Сити” билан трансфер масаласида музокараларни бошлайди. Битим қиймати тахминан 10 миллион евро атрофида бўлиши кутилмоқда.
Трансфер амалга ошса, Эдерсон Туркия чемпионатида асосий дарвозабон мақомини қўлга киритади. Истанбул клуби келаси мавсум Еврокубокларда ҳам иштирок этишини ҳисобга олганда, бу футболчи учун янги чақириқ бўлиши мумкин.
“Манчестер Сити” ёзги трансфер ойнасида 22 ёшли дарвозабон Жеймс Траффордни “Бёрнли”дан 31 миллион еврога харид қилган. Бу эса Эдерсоннинг асосий таркибдаги ўрнини йўқотишига олиб келди. Шу боис Эдерсон бошқа жамоага ўтишни истамоқда.
Маълумот учун, Эдерсон 2017 йилда “Бенфика”дан “Сити”га 40 миллион евро эвазига трансфер қилинган эди. У ўтган мавсумда 40 та ўйинда майдонга тушиб, 53 та гол ўтказиб юборган ва 13 ўйинда дарвозасини дахлсизлигини сақлаб қолган. Transfermarkt портали унинг қийматини 20 миллион еврога баҳоламоқда.
Изоҳ (0)